ЯҢАЛЫКЛАР

27 гыйнварда Теләче урта мәктәбендә Ленинград блокадасының 71 еллыгына багышланган батырлык дәресләре булып үтте.

Балалар Ленинград кешеләренең блокада вакытында ничек яшәүләре, ничек итеп тормыш өчен көрәшүләре турында фильм карадылар. Илебез халкы күрсәткән батырлык күңелләрдә мәңге сакланыр.

27 январьда Олы Мишә урта мәктәбендә Ленинград блокадасы өзелү уңаеннан тәрбия сәгатьләре үткәрелде. 9 нчы сыйныф класс җитәкчесе Шаяхметова Л.Г. укучыларны авыр сугыш еллары, Ленинград блокадасындагы тетрәндергеч вакыйгалар белән таныштырды.

Укучылар Таня Савичеваның көндәлеген тетрәнеп укыдылар. Соңыннан Ленинград блокадасына карата презентация күрсәтелде. Барлык укучыларда дөньялар тыныч, күк йөзебез аяз, киләчәгебез якты, барчабыз да сәламәт, кешелекле булсак иде дигән теләктә калдылар.  

27 январь көнне Урта Мишә авылы китапханәсендә клуб белэн берлектэ “Алар әйләнеп кайтмадылар” исемле танып белү сәгате үткәрелде.

Укучылар сугышта катнашкан һәм тылда эшләгән авылдашларыбыз,сугыш чоры балалары турындагы истәлекләр белән таныштырылды. Укучыларга сугышка китеп әйләнеп кайтмаучылар турында мәгълүмат бирелде. “Хәтер китабы”на күзәтү ясалды. Сугышка багышланган шигырьләр укылды. Алар үзләренең әби-бабалары турында бик күп кызыклы фактларны белделәр.

2015 ел - Әдәбият елы дип игълан ителде.

Шул сәбәптән 27 гыйнвар  Субаш авылы китапхәнәсендә "2015 ел - әдәбият елы" исемләнгән күргәзмә оештырылды. 

27 гыйнвар көнне Казаклар авыл китапханәсендә “Дин һәм тормыш” дигән китап күргәзмәсе ясалды. Бу күргәзмәгә дини китаплар һәм дисклар куелды.

   

«Родник» халыкка ярдәм күрсәтү үзәгенең гаиләгә һәм балаларга ярдәм күрсәтү бүлекчәсе ел әйләнәсендә каникуллар вакытында лагерь һәм санаторийларда балаларнын сәламәтләнүен һәм ялын оештыра.

 26 январь көнне «Кооператор» санаториеннан балалар каршы алынды.

26 январь көнне Сөләйман Йосыпов исемендәге мәдәният йортында Халык җыены булып узды.

Балыклы,Күкчә һәм Алан авылы гражданнары жыелганда,мәдәният йортында шушы авыл җирлегенең җыр-моңга иң оста үзешчәннәре  матур эчтәлекле концерт куйдылар. Җыенда Теләче муниципаль районы башлыгы Зарипов Ильдус Фатихович һәм Татарстанның Дәүләт Советы депутаты Садриев Камиль Гайнетдинович та катнашты. Ахырдан Ильдус Фатихович тырыш, унган авыл хезмәтчәннренә рәхмәт хатлары тапшырды.

Бүген физика- математика атналыгының икенче көне. Математика укытучысы Галимҗанова Г.Ә. 6 - 7 сыйныфлар арасында "Безнең уен" дип исемләнгән математик аукцион үткәрде.

Укучылар "Плюс" һәм "Минус" командаларына бүленеп  тактадагы таблода "Саннар дөньясында", "Ребуслар һәм табышмаклар чишү", "Мисаллар, мәсьәләләр", "Сораулар һәм биремнәр" темасы астында урнаштырылган, 10,20,30,40,50 баллар белән бәяләнгән биремнәрне башкаруда көч сынаштылар. 

2014 нче елның 2 сентябрендә Максабаш авылында һәйкәл-обелиск ачылды. Безнең мәктәп укучылары һәм укытучылары һәйкәлне гел карап, тәртипләп торалар.

Бөек Җиңүнең 70 еллыгы якынлаша. Без  батыр авылдашларыбызны онытмыйбыз. Аларның сугыш кырында дошманга каршы батырларча сугышып һәлак булганнары- 81, авылыбызга әйләнеп кайтканнары 88 булган. Бүген Максабашта бер генә  сугыш ветераны да калмады. Бары тик 17 тыл батыры гына яши.  

Ленинград блокадасы Россия тарихында озакка сузылган һәм иң фаҗигале вакыйгалардан санала.

Төп-төгәл 871 көн (1941нең 8 сентябреннән 1944 елның 27 гыйнварынача) дәвам иткән әлеге мәхшәрнең кайтавазы әле бүген дә үзен сиздереп тора. 27 гыйнвар көнне Урта Мишә башлангыч мәктәбендә шул вакыйгага багышланган сыйныф сәгате үтте.