ЯҢАЛЫКЛАР

27
гыйнвар, 2015 ел
сишәмбе
27 январь Россиядә Хәрби Дан көне буларак билгеләп үтелә. Бу Ленинград блокадасын тулысынча өзгән көн. Иске Җөри авылы мәктәбендә әлеге истәлекле датага багышланган балалар иртәсе булып узды.
Анда ОБЖ укытучысы Сәхапов Рафикъ Имамиевич балаларга Ленинград блокадасы турында сөйләде һәм әлеге куркыныч хәлләр турында кино күрсәтелде.
Узәк авылы мәдәният йорты җитәкчесе мәктәп белән тыгыз элемтәдә тора.
Хәзерге вакыттта Бөек Җиңүнең 70 еллыгына багышланган стендка материал җыю өстендә эш алып барыла. 
27 гыйнвар көнне Шармаш авылы мәктәбендә Ленинград блокадасының 71 еллыгына һәм Освенцеманы азат итүнең 70 еллыгына багышланган сыйныфтан тыш чара үтте.

Сыйныф җитәкчеләре балаларга Ленинград блокадасы вакытындагы тормыш турында сөйләделәр. Укучыларга бу тема ошады һәм алар үзләрен кызыксындырган сорауларны бирделәр.
24 январь көнне Югары Мәтәске авыл клубында «Студентлар көне» уңаеннан Саба агролицеенда укучы студентлар белән очрашу уздырылды.

Очрашу җыр-бию,уен-көлке,ярышлар белән үрелеп барды. Студентлар үзләренең укулары, уңышлары белән уртаклаштылар.

 

 

 
Теләче Үзәк китапханә хезмәткәрләре Татарстан Республикасы Мәдәният министрлыгы тарафыннан бирелгән китапханә җиһазлары урнаштыру белән шөгыльләнәләр.
   
Бөек Җиңүнең 70 еллыгын каршылау уңаеннан мәктәбебездә төрле чаралар үткәрелә. Бу атнада укучылар арасында « Бөек Җиңүне каршылап...” темасына рәсем конкурсы игълан ителде.
Бу конкурс укучыларга патриотик тәрбия бирү, сугыш чоры кешеләренең җиңүгә булган ышанычын, батырлыгын, рухи ныклыгын аңлату, сугыш һәм тыл ветераннарына олы хөрмәт уяту максатыннан үткәрелә.
Бөек Җиңүнең 70 еллыгына багышлап мәктәптә “Кышкы игелек атнасы” үткәрелде. Күкчә авылы укучылары Бөек Ватан сугышы ветераны Сабирҗанова Таисия апа янында булдылар.
Балалар ветеранга үз куллары белән эшләнгән сувенир бүләк иттеләр, шигырьләр сөйләделәр, җырлар җырладылар. Ветеранга укучыларның чыгышы бик ошады, балалар да очрашудан җылы тәэсирләр алып таралдылар.
Балалар иҗат үзәгенең “3d-модельләү” түгәрәгенә йөрүче укучылар, өстәмә белем бирү педагогы Фасхетдинов А.Х. җитәкчелегендә, “Модельләү аслары” дип исемләнгән викторина булып узды.
Укучылар модельләштерү өлкәсенә кагылган сорауларга җавап бирделәр, башваткычлар чиштеләр.
26 гыйнвар көнне Ямубулат авылы китапханасендә башлангыч сыйныйф укучылары белән "Кышкы хава - тангә дәва" дип исемләнгән әңгәмә үткәрелде.
   
Теләче авылы 1нче балалар бакчасы районыбызда федераль дәүләт белем бирү стандартларын кулланучы эксперименталь үзәк булып тора
Шул уңайдан ул кызыклы Лего конструктор-уенчыклары иясе булды. Күптән түгел кайтартылган әлеге башваткыч уенчык балалар күңеленә бик хуш килде. Дөрестән дә, бу уеннар балаларның фикерләү үзенчәлеген, вак моториканы үстерудә зур роль уйный. 
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International