ЯҢАЛЫКЛАР

27
гыйнвар, 2015 ел
сишәмбе
26 гыйнвар көнне Югары Кибәхуҗа балалар бакчасына фельдшер-акушерлык пункты фельдшеры Мубаракшина Гөлсәрия Мубәрәкҗановна килде.
Ул балалар белән "Грипп һәм аннан саклану чаралары" дигән темага әңгәмә алып барды. Грипп белән авырмас өчен гигиена кагыйдәләрен төгәл үтәргә, бүлмәне җилләтеп торырга, витаминлы яшелчә һәм җиләк-җимешләр кулланырга, дөрес тукланырга, спорт белән шөгыльләнергә кирәклеге турында аңлатты. 
26 – гыйнвар көнне Максабаш балалар бакчасы тәрбиячесе Сөнгатуллина Фәридә Әхәтовна « Тәрбияче – 2015” конкурсының сайлап алу турында катнашты.
Ул уртанчылар төркеменә  йөрүче балалар белән “Әйләнә-тирә табигать” белән танышу шөгыленнән “Кышлаучы кошлар” темасына дәрес бирде. Дәрес Теләченең №2 балалар бакчасында узды. 
Безнең балалар бакчасында тәрбияләнүче Шайхиев Сәгид Фаридович Россия- күләм "Рассударики" конкурсында "Авыл тормышы ” дигән тема белән катнашып III– урын алып диплом белән бүләкләнде
    
Иске Җөри авылы балалар бакчасы тәрбиячесе, Нигъматуллина Ләйсән Илгизәр кызы, россия күләмендә үткәрелгән "Балалар бакчасында юл йөрү кагыйдәләре почмагы" конкурсында катнашты.
Бу конкурс "Тәрбиячеләр.ру" сайтында үткәрелде. Тәрбиячебез Лауреат дәрәҗәсендәге дипломга лаек булды. Без аны котлыйбыз һәм уңышлар телибез.
Олы Мәтәскә авылы балалар бакчасында бәйрәмнәр еш уздырыла.
Бәйрәмнәрдә балалар бер-берсе белән күбрәк аралашалар,  сөйләм телләре ныгый, сүз байлыклары арта.  Төрле халык уеннарын, биюләрен, җырларын бик теләп башкаралар. Халык уеннары балаларны игелекле, миһербанлы, шәфкатьле булу сыйфатларына өйрәтә. 
2015 елның 21 январь көнне Олы Мәтәскә мәдәният йортында 2014 елга нәтиҗә ясап халык җыены булып узды.
Җыенда Теләче муниипаль районы башлыгы И.Ф.Зарипов һәм барлык оешма җитәкчеләре катнашты. 
23 гыйнвардан Сауш авылы мәктәбендә БФСК "Готов к труду и обороне" нормативларының кышкы сессиясен тапшыру башланды.
Укучылар спорт төрләрендә үзләрен сынап карыйлар. Кышкы нормативлар берничә төр сынаудан тора. Иң беренчеләрдән әлеге  нормативларны 5 - 9 класс укучылары тапшырды.
24 гыйнвар көнне Баландыш авылында көрәш буенча ярышлар булып узды. Анда Иске Җөри авылы мәктәбенең укучылары уңышлы гына чыгыш ясадылар.
Алар арасында Галиулин Әнәс 4 класс укучысы, Шакиров Айдар 9 класс укучысы беренче урынга лаек булдылар, Галиулин Ильяс 8 класс укучысы -3 урын алды. Катнашкан барлык укучыларга  алга таба җиңүләр телибез.
Олы Нырсы балалар бакчасына авыл китапханәсе китапханәчесе Сафина Фәния кунак булып килде.

Ул үзе белән күп кенә язучыларның балалар өчен язылган яңа хикәяләрен,шигырьләрен алып килгән иде. Балаларны шулар белән таныштырып, берничә хикәя һәм шигырь укып китте, балаларга китапны яратырга,аны чиста,пөхтә итеп сакларга кирәклеген әйтте. "Китап ул белем чишмәсе"- диде ул сүзен йомгаклап.
26
гыйнвар, 2015 ел
дүшәмбе
23 гыйнвар көнне Казан шәһәрендә Татарстан Республикасы Дәүләт советының Яшьләр иҗтимагый палатасының беренче утырышы узды.
2015 елда яшь парламентарийлар яшь буынның төп проблемаларын өйрәнергә һәм Республикабыз күләмендә социаль проектларда ирекле ярдәм күрсәтергә планлаштырдылар.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International