ЯҢАЛЫКЛАР

26
гыйнвар, 2015 ел
дүшәмбе
24 гыйнвар көнне Шармыш авылы китапханәсендә Әдәбият елына багышланган «Чтение – лучшее учение» дип исемләнгән китап күргәзмәсе куелды
Күргәзмә барлык төр китап укучыларга багышлана. Күргәзмәдән өлкән буын һәм кече яшьтәгеләр  матур әдәбият белән таныша ала.
25 нче январь - Студентлар көне буларак билгеләп үтелә. Шул уңайдан 24 нче январь көнне мәдәният йортында “Ни хәлең бар, студент дустым?” – дип исемләнгән очрашу кичәсе булды.

“Тәмле тамаклар” һәм “Кыю студентлар”исеме астында студентлар ике командага бүленделәр. Кичә уен-викторина рәвешендә алып барылды. Студентлар сорауларга бик җитез һәм тапкыр җавап бирделәр. Уку чорында үзләре тарыган төрле кызыклы вакыйгаларны искә төшерделәр. Кичә җыр- бию белән үрелеп барды.

 
Айдар авылы китапханәсендә дәһшәтле сугыш елларының авырлыгын үз иңнәрендә күтәргән сугыш ветераннарына багышлап "Тарихларда калыр бу еллар" дип исемләнгән альбомны төзүгә материаллар туплау башланды.
Бу альбом сугыштан исән кайткан 54 авылдашыбыз истәлегенә багышлана. 
24 гыйнвар көнне Әбде авылы китапханәсендә “В мире зимней сказки» дип исемләнгән танып белү сәгате үткәрелде.
Әлеге чараның максаты үз илеңә мәхәббәт тәрбияләү иде. Чара барышында балалар танылган авторларның кыш турындагы шигырьләрен укыдылар, табышмакларга җаваплар таптылар.
24 гыйнвар көнне Субаш авыл клубында китапханә белән берлектә балалар өчен "Сәламәт тәндә, сәламәт акыл" дигән исем астында уеннар оештырылды.
Очрашуның беренче өлеше китапханәдә "хәрәкәттә -  бәрәкәт, спорт сәламәтлек" дип исемләнгән күргәзмә белән башланып китте. Икенче өлеше клуб залында дәвам итте, балалар күп кенә уеннарда ярыштылар, үзләренең көчләрен сынаштылар. 
24 гыйнвар көнне Олы Нырсы мәдәният йортында бию тугәрәге уткәрелде.
Түгәрәккә барлыгы 15 укучы йөри. Мәдәният йортында эшләп килүче бию тугәрәген Алабуга мәдәният агарту училищесында укучы 1 нче курс студенткасы Саляхова Энже Шамил кызы житәкли. Әлеге түгәрәккә укучылар бик теләп йөриләр. Түгәрәк атнасына 2 көн оештырыла. 
Олы Нырсы мәдәният йорты тирә-янын кардан чистарту эшләре даими алып барыла.
 Мәдәният йорты мәйданы зур булганлыктан, әлеге эш кондә оештырыла.
 
Татарстан Республикасы Хезмәт һәм социаль яклау министрлыгы Рәсәй Сугыш тарихы онытылмаслык даталар календарен бастырып чыгарды.
Тулырак информацияне эчтә карап була.
25
гыйнвар, 2015 ел
якшәмбе
22 январь көнне Югары Кибәхуҗа, Кече Кибәхуҗа, Олы Мәтәскә авыл җирлекләренә караган мәдәният йорты директорлары Олы Мәтәскә авыл мәдәният йортына җыелып үзара фикер алыштылар.
Пожар куркынычсызлыгы кагыйдәләре, техника куркынычсызлыгы кагыйдәләре, терроризм һәм экстремизмны булдырмау буенча булган сорауларны уртага салып фикерләштеләр. 
2015 елның 15 гыйнварында Баландыш төп мәктәбе базасында 1999 елда туган һәм аннан кечерәк яшьтәге балалар һәм яшүсмерләр арасында татарча көрәш буенча район беренчелеге үткәрелде.

Ярышта барлыгы 103 яшь көрәшче катнашты. Командалар беренчелеге түбәндәгечә хәл ителде:

1 урында  – Олы Мәтәскә

2 урында - Баландыш

3 урында  –Ю.Кибәхуҗа
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International