Муниципаль районнар Теләче муниципаль районы

ЯҢАЛЫКЛАР

гыйнвар, 2015 ел

дүшәмбе

23 гыйнвар көнне безнең балалар бакчасында район мәгариф бүлегенең мәктәпкәчә белем бирү методисты Саетова Анна, ЮХИДИ бүлекчәсенең инспекторы Ришат Назиров һәм әйдәп баручы белгеч Гүзәл Ягафарова кунакта булдылар.

Алар башта тәрбияче Хаҗинурова Гөлназ уртанчылар 1 төркеме балалары белән юл йөрү кагыйдәләре буенча “Урам тулы могҗиза” дигән эшчәнлекне карап уздылар, аннары Хуҗина Рүзия уртанчылар 2 төркеме балалары белән “ Юл билгеләре буйлап сэяхәт” дигән чараны карадылар.

26 гыйнвар көнне Үзәк авылы китапханәсендә « Гәҗит һәм журналлар доньяга күзне ача» дип исемләнгән матбугат көне үткәрелде.

Актив укучылар Касимова Л.А., Ахварова А.А., Петрова Э.Р., ГатауллинаХ.С. узара фикер алыштылар. Гәҗит һәм журналлар заман проблемалары турында сөйли, соңгы казанышлар турында мәгълүмат бирә, бүгенге көн әдәбияты яңалыклары белән таныштыра. “ Китапханә яздыра» дигән картотека булдырылды.

25 январь көнне Олы Нырсы авыл китапханәсендә Татарыстанның халык шагыйре Фәнис Яруллинның туган көненә багышлап "Алар көчле рухлы, язмышларга буйсынмас шәхесләр" - дип исемләнгән китап күргәзмәсе оештырылды.

Әлеге күргәзмәдә шагыйрнең китаплары куелды. "Җилкәннәр җилдә сынала" повесты буенча Фәнис Яруллинның биографиясе, үткән юлы турындада танышырга була . Фәнис Яруллин укучылар арасында иң популяр язучыларның берсе булып тора.

25 гыйнвар көнне Олы Мишә авыл китапханәсе күчмә китапханә белән Олы Саурыш авылында булды.

Китапханәче өй саен кереп 2015 ел - әдәбият елы икәнлеген аңлатты. Шул уңайдан китапханәдә бу елда “Иң күп китап укучы” конкурсы игълан итте. Китапханәче алып килгән китапларны Олы Саурыш авылы халкы бик теләп алып калдылар.

Теләче хоккей командасы Татарстан Республикасы авыл районнары һәм Хоккей яратучылар арасында үткәрелә торган чемпионатлар уеннарында катнашты.

Уеннар нәтиҗәләре: Теләче - Арча 8:2, Теләче - Спутник (Казан ш.) 7:2

Алан урта мәктәбенең 11 сыйныф укучылары Бөек Ватан сугышында (1941-1945 еллар) һәлак булган авылдашлар истәлегенә багышланган обелискны шефлыкка алдылар.

Аны даими рәвештә чистартып, тәрбияләп торалар.

Алан авылы мәктәбендә китапларга багышланган сыйныф сәгатьләре үтте.

Татар теле һәм әдәбияты укытучысы Гатауллина Д.Г. һәм әдәбият сөючеләр Гөлсинә Галимуллинаның иҗат җимешләренә күзәтү ясадылар. “Ефәк кулъяулык” әсәрендә Айгүзәлнең авырлыклар алдында баш имәве, акылын җилкән итеп куюы аларда соклану хисе уятты.

Балалар иҗат үзәгенең “Яшь автомоделист” түгәрәгенә йөрүче укучылар, өстәмә белем бирү педагогы Тимербаев Т.А. җитәкчелегендә, мәктәп мастерскоенда кирәк булган эш кораллары җитештерәләр.

Әле күптән түгел генә агач кисү коралларын кайрау өчен электр кайрау станогы ясадылар. Станокны куллану бик уңайлы һәм ул 220 вольт электр көчәнешен таләп итә.

24 январь көнне Субаш авыл клубында китапханә белән берлектә Студентлар көне уңаеннан, 2014 елда тәмамлап чыгып киткән, вузларда укучы егет-кызларыбыз белән очрашу кичәсе үткәрелде.

Очрашу күңелле уеннар, җырлар, биюләр белән үрелеп барды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ