ЯҢАЛЫКЛАР

21
гыйнвар, 2015 ел
чәршәмбе
21 январь көнне Шәтке авылы китапханәсендә "Сүз күңелдә очкын булып көйри, сүз арыслан итә йөрәкне" дигән библиографик дәрес үткәрелде.
Әлеге дәрестә балаларга татар телендә ничек дөрес сөйләшергә кирәклеге аңлатылды. Исәнләшү, саубуллашу сүзләренең мәгънәләре өйрәтелде. Ашау әдәпләре турында сөйләнде. Библиографик дәрес "Тәмле сүз" дигән китапка нигезләнеп үткәрелде. 
Әбде авылы мәктәбе 10 сыйныф укучылары сыйныф җитәкчеләре Михайлова Н.К. белән берлектә һәйкәл янын кардан чистарттылар.

Бүген гадәти эш көне.Урамда салкын кыш,җил,ләкин балаларның кәефе күтәренке.Көрәкләр тоткан балалар һәйкәлне кар көртләреннән арындыра.Һәйкәлгә сугыш кырларында ятып калган батыр авылдашларыбызның исемнәре уелып язылган.Без сезне онытмадык,безнең горурлыгыбыз булган әби-бабайларыбыз!

   Рәсемдә сез безнең авылдашыбыз Советлар Союзы Герое Ксенофонтов Александр Кузьмич һәйкәлен күрәсез. 
Баландыш авыл китапханәсе Республика күләмендә үтүче конкурста катнашты һәм 100 000 күләмендә премиягә ия булды.
Бу акчага китапханә мебеле алынды. 17 – 21нче гыйнварга кадәр әлеге мебелләрне җыю белән шөгылләнделәр.
«Җиӊүгә илткән юллар» дигән девиз астында Иске Җөри авылы китапханәчесе даими рәвештә тыл ветераннарыныӊ өйләрендә була.
Аларны газета-журналлар, яӊа кайткан китаплар белән таныштыра. Алар да үзләренеӊ хатирәләре белән уртаклашалар. Тыл ветераннарыныӊ хезмәте хөрмәткә лаек.
9в сыйныф укучысы Бариев Айзат Закир улы астрономия фәненнән Бөтенроссия олимпиадасының региональ турында катнашты. Барлык катнашучылар арасында ул икенче унлыкка керде.

Бөтенроссия фән олипиадасының  республика турына шулай ук Теләче урта мәктәбе укучылары Хәбибуллина Луиза Илнур кызы, Мөхтәсимов Нияз Ильяс улы, Закиров Илсур Газинур улы, Казаков Тимур Александр улы, Закирова Айсылу Рафаэл кызы, Ахметов Азат Амир улы , Фархуллина Алина Марс кызы уздылар. 
19 гыйнвар көнне ТРның мәгариф һәм фән министрлыгы тарафыннан гомумбелем бирү учрежденияләре хезмәткәрләре өчен “ФГОСны тормышка ашыруда заманча информацион белем бирү мөһитенең роле ” дигән темага семинар булып узды.
Олы Кибәхуҗа авылы мәктәбенең биология һәм химия фәне укытучысы Ибраева Р.З. бу семинарда актив катнашып кайтты. Семинарда ТРның мәгариф һәм фән министрлыгы һәм ИРОРТ хезмәткәрләре, районнардан РМО җитәкчеләре дә чыгыш ясады. 
21 гыйнвар көнне Олы Мишә авыл китапханәсенә “Күбәләк” балалар бакчасы кунакка килде.
 Аларга китапханәче А.Алишның “Койрыклар” китабын укып  күрсәтте. Бөек Җиңүнең 70 еллыгына төзелгән стенд, борынгы эш кораллары белән таныштырды. 
«Укучылар иҗаты» рубрикасы кысаларында, Балалар иҗат үзәгенең өстәмә белем бирү педагогы Борханетдинова Р.З. “Яшь журналист” түгәрәгенә йөрүче укучылар белән “Башваткыч” уены үткәрде.

Биремнәрне 4 сыйныф укучысы Сәхәбиев Камил әзерләде. Укучылар бик кызыксынып, Европа материгы буйлап сәяхәт иттеләр.
Урта Мишә башлангыч мәктәбенең 3 сыйныф укучысы Сафиуллин Илмир китапханәдә “Китаплар табиблары”акциясендә катнашты.
Ул китапларны ремонтларга  булышты. Мәктәптә булган әдәби китапларга да булышырга теләк белдерде.
20 гыйнвар көнне Түбән Саурыш башлангыч мәктәбенең 4 нче сыйныф укучылары белән “Әкиятләр илендә”дип исемләнгән әдәби кичә үткәрелде.

 Укучылар үзләренең яраткан әкиятләре турында сөйләделәр һәм яраткан әкиятләренә иллюстрацияләр ясадылар.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International