ЯҢАЛЫКЛАР

22
гыйнвар, 2015 ел
пәнҗешәмбе
Олы Саурыш авылында обелискка укучылар, укытучылар беркетелеп, алар кышкы чорда обелискның тирә-ягын чиста тоту, кышын кардан чистарту эшләрен башкаралар.
 Укучылар  укытучы  җитәкчелегендә  атнаның  һәр дүшәмбе көнендә  сугыш ветераны һәм  сугыш  чоры  балаларында  булып, аларга  кар  көрәүдә, йорт  эшләрендә  булышалар.
Теләче №2 балалар бакчасы педагог-психологы Сәйлән Нәгим кызы тәрбиячеләр өчен һәрдаим кызыклы чаралар уздырып тора: консультацяләр, тренинглар, әңгәмә һәм ачык шөгыльләр.

 Бу атнада да ул “Бала һәм компьютер: аны чын дөньяга кире кайтару” дигән темага кызыклы консультация уздырды. 
Балалар иҗат үзәгенең “Сюрприз” (кечкенәләр) төркеменә йөрүче Баева Дина, өстәмә белем бирү педагогы Баева З.Р. җитәкчелегендә, “Бәхет йолдызы” дип аталган II Республика татар милли сәнгате фестиваль-конкурсында катнашып 3 урынга лаек булды.
   
22 январьда Алан урта мәктәбендә “Франция турында сөйләшәбез” дигән темага әңгәмә үткәрелде.
Француз теле укытучысы В.Г.Зәйнетдинова уздырган әлеге чарада 8-11 сыйныф укучылары француз халкының милли характер үзенчәлекләре белән танышты.
17 гыйнвар көнне Теләче муниципаль районы юл хәрәкәте иминлеге комиссиясе утырышы узды.
Утырыш Теләче муниципаль районы башкарма комитеты җитәкчесе Мирсаетов А.Г., Полиция бүлендеге җитәкчесе Низамов М.Ю., ГИБДД бүлендеге җитәкчесе Каримуллин И.Х., авыл җирлеге башлыклары, организация җитәкчеләре катнашында узды.
19 январь көнне Шармыш авылы клубында «Күңелле ял итегез» дип исемләнгән бәйрәм кичәсе булып узды.

Кичәдә 80-90 еллар музыкасы яңгырады, күңелле уен һәм бәйгеләр уздырылды. Кичәдә катнашкан барлык авылдашлар күтәренке күңел белән өйләренә таралыштылар.
Олы Нырсы мәдәният йортында Бөек Җиңүнең 70 еллыгы уңаеннан “Җиңүгә илткән юллар” фестивалена әзерлек бара.
Риза Ишморатның “Кайту” пьесасының репетициясе көн саен үткәрелә. Пьесаны Олы Нырсы мәдәният йорты каршында эшләп килүче театр коллективы куя. Режиссёры Гарифуллина Рамилә Мәүлетҗан кызы. Авылдашлар бу премьераны зарыгып көтәләр.
21.01.2015 көнне Олы Нырсы балалар бакчасында, мәдәният хезмәткәрләре белән берлектә, Бөек Ватан сугышы ветераны Гобәйдуллин Гарифулла абый белән очрашу булып узды.
 Шулай ук әлеге очрашуга Олы Нырсы урта мәктәбеннән 1 нче сыйныф укучылары да килгән иде. Гарифулла абый балаларга сугышка кадәр тормыш юлын һәм сугыш чорларында ниләр күргәнен сөйләп үтте. Балалар аңа, үз чиратында, үзләренең кызыксындырган сорауларын бирделәр. Гарифулла абый аларга бик теләп җавап бирде. Балалар һәм ул әлеге очрашудан бик канәгать калдылар.
21
гыйнвар, 2015 ел
чәршәмбе
Балалар сәнгать мәктәбендә сольфеджио дәресе бара.
 1 категорияле укытучы Светлана Петровна яңа гына музыканы үзләштереп килүче баларга шул дәреснең үзенчәлеген аңлата. Сольфеджио дәресе укучыларның ишетеп уйнау сәләтен арттыра. Аларда музыкага кызыксыну уята.
21 гыйнвар көнне Шармыш авылы китапханәсендә праваславие динен тотучыларның изге бәйрәмнәренең берсе – Крещение белән таныштыру үткәрелде.
Китап укучылар игътибарына бәйрәмнең килеп чыгышы турындагы мәгълүматлардан күргәзмә эшләп куелды.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International