ЯҢАЛЫКЛАР

Шушы истәлекле датага Күкчә авылы мәдәният хезмәткәрләре презентация күрсәттеләр. А. К.Толстой – рус әдәбияты классигы, ул «Князь Серебряный» тарихи романы, «Смерть Иоанна Грозного», «Царь Федор Иоаннович» һәм «Царь Борис» драматик трилогиясе авторы. Аның «Упырь» һәм «Семья вурдалака» хикәяләре рус әдәбиятының иң яхшы әсәрләре булып санала. Тәкъдим ителгән презентация укучыларны А.К. Толстойның күпкырлы шәхес булуы һәм иҗаты белән таныштырды.

Хәзерге дөньяда бөтен хикәяләрне видео аша карарга яки аудио форматта тыңларга мөмкин булса да, тере китап укуны бернәрсә дә алыштыра алмый. Чөнки уку хәтерне һәм концентрацияне яхшырта, шулай ук стрессны киметергә ярдәм итә. Шуны истә тотып Баландыш авылы китапханәсендә укучылар белән берлектә кычкырып уку оештырылды һәм «Әйдәгез дуслашыйк балалар!" дип исемләнгән китап күргәзмәсе куелды.

Бүген шушындый истәлекле көндә районыбызның бай һәм имин тормышы хакына куйган фидакарь хезмәтегез өчен ихлас рәхмәтләребезне әйтәбез. Әхлакый принципларга таянып яши белүегезгә чиксез соклануыбызны белдерәбез.

Ел саен 3 сентябрь - терроризмга каршы көрәштә бердәмлек көне буларак билгеләп үтелә. Иске Җөри авылы китапханәсе  хезмәткәрләре 5 сентябрь көнне балалар белән "Уяу булыгыз! Терроризм әле җиңелмәгән” дип исемләнгән информацион сәгать үткәрелде. Аларга “терроризм”, "теракт", "экстремизм" һ.б. төшенчәләр аңлатылды, 2004 елның сентябрендә Бесланда булган фаҗига турында искә төшерелде. Китапханәчеләр укучыларга куркыныч янаган вакытта үз-үзеңне тоту кагыйдәләрен искәртте һәм тематик китаплар белән таныштырды.

Урта Мишә авыл китапханәчесе “Бесландагы теракт корбаннары истәлегенә”,исемле презентация белән балаларга 2004 елның 1 сентябрендә Бесланда булып узган фаҗига турында сөйләде. Шулай ук күргәзмәдә тәкъдим ителгән мәгълүматларга күзәтү үткәрелде. Китапханәче балаларга терактларны булдырмау буенча куркынычсызлык чаралары турында искәртте.

5нче сентябрь көнне Олы Мишә урта мәктәбендә укучыларны Гражданнар оборонасы һәм янгын куркынычсызлыгы буенча эвакуацияләү  күнекмәләре узды. Тренировкаларны оештыручылар укучыларда мамык-марля бәйләвечләренең булуын, укучыларның һәм педагогларның мәктәп бинасыннан никадәр тиз ,төгәл һәм дөрес китүләрен тикшерделәр. Хезмәтне саклау буенча җаваплы Борханетдинова Р.Җ. эвакуация кагыйдәләрен тагын бер кат искә төшерде.

Без, мәдәният хезмәткәрләре, бу көнне онытмаска, һәрвакыт уяу һәм сак булырга тиеш.  Шулай ук халыкка да аңлату эшләре алып барырга бурычлыбыз. Шул уңайдан  “Без терроризмга каршы ”дигән исем белән  әңгәмә –кичә үткәрелде.  Чарада катнашкан югары сыйныф укучылары белән  терроризм турында сөйләшү алып барылды, аларга стенд һәм альбомнар күрсәтелде.

Инде ничә ел рәттән узган «Тормыш тамчысы» акциясе терроризмга каршы көрәштә бердәмлек көне кысаларында үткәрелә һәм 2004 елда Беслан мәктәбендә куркыныч фаҗига корбаннары истәлегенә багышлана. Нәкъ менә 3 сентябрьдә мәктәп бинасын штурмладылар, анда өч көн дәвамында террорчылар тоткыннарны тоткарладылар. Китапханәче һәм мәдәният йорты мөдире балаларга хәзерге дөньяда терроризм куркынычы турында сөйләделәр, теракт корбаннарын бер минут тынлык белән искә алдылар.

Бу дата - 2004 елның 1-3 сентябрендә булган хәзерге тарихның иң кайгылы битләренең берсе Беслан фаҗигасе белән тыгыз бәйләнгән. Бу көнне Айдар авылы китапханәсендә мәдәният йорты белән берлектә "Беслан. Безнең хәтер һәм газап" дип исемләнгән мәгълүмати очрашу үткәрелде. Әңгәмә барышында террорчылык акты янаган очракта үз-үзеңне тотуның төп кагыйдәләрен, гаепсезгә гомерләре өзелгән терроризм акты корбаннарын искә алынды. Укучылар терроризмның хәзерге заманның иң куркыныч һәм катлаулы күренешләре булуын белделәр. Ахырда барлык катнашучылар «Террорга каршы бергәләп» буклетлары алдылар. Беслан вакыйгалары кабатланмасын иде, бер-беребезгә карата игътибарлы булып, төрле милләт вәкилләрен хөрмәт итеп, дус-тату яшик!

Бу кайгылы дата 2005 — нче елда Бесландагы фаҗигале вакыйгалардан соң, террористлар шәһәр мәктәбен яулап алгач, хәзерге Россия календарендә пәйда булды. Терроризмга каршы көрәштә бердәмлек көнендә Бесланда гына түгел, бөтен ил буенча террорчылык актлары корбаннарын, шулай ук хезмәт бурычын үтәгәндә һәлак булган хокук саклау органнары хезмәткәрләрен искә алалар. 3 сентябрь көнне Сауш авылы китапханәсендә укучылар өчен  “Терроризм - җәмгыятькә куркыныч тудыра!» темасы белән мәгълүмәт сәгәте үткәрелде.