ЯҢАЛЫКЛАР
Бу федераль статистик күзәтү 2021 елның 1 августыннан 30 августына кадәр үткәреләчәк. Чираттагы авыл хуҗалыгы исәбен алудан соң биш елдан да соңга калмыйча , микропанслар Бөтенроссия авыл хуҗалыгы исәбен алу арасында үткәреләчәк. Соңгы авыл хуҗалыгы исәбен алу 2016 елда үткәрелде.
Халык санын алу яңа технологик дәрәҗәдә узачак , бу мәгълүмат сыйфатын арттырачак һәм алынган мәгълүматларны җыю һәм эшкәртү процессын тизләтәчәк. Сан алучылар планшет компьютерлардан файдаланачак. Авыл хуҗалыгы җитештерүчеләре Росстат рәсми сайтының web-җыю системасы аша исәпкә алу кәгазе сорауларына җавап бирә алачаклар.
20 июль көнне Сауш авылы мәдәният йортында «Әгәр Россия булса-мин дә булырмын!” дигән тарихи сәяхәт формасында квест - уен үткәрелде. Командалар маршрут битләрен тутырып һәм баллар туплап, 9 станция буенча уздылар. Уен ахырында нәтиҗәләр ясалды һәм катнашучылар тәм-томнар белән сыйландылар.
Шагыйрь Гәрәй Рәхимнең тууына 80 яшь уңаеннан Максабаш авылы китапханәсендә “Халык җәүһәрләре” исемле берләшмәгә йөрүче укучылар белән “Җәй уртасы” дип исемләнгән әдәби сәгать үткәрелде. Укучылар язучының китаплары белән таныштылар, шигырьләрен кычкырып укыдылар.
20 июль - Халыкара шахмат көне. Субаш авыл клубында мәдәният хезмәткәрләре «Ягез әле, әйдә! " дип исемләнгән шахмат турниры үткәрделәр. Бу үзара аралашу, вакытны файдалы итеп үткәрү өчен яхшы ысул. Өстәл уеннары белән кызыксыну балаларда сакланыр һәм алар ешрак ялларын шулай үткәрер дип өметләнәсе килә.
21 июль көнне Максабаш авылы мәдәният хезмәткәрләре клуб берләшмәләренә йөрүче балалар белән «Хәзинә эзләү» дип исемләнгән квест-уен үткәрделәр . Әлеге чараның максаты-балаларның иҗади сәләтләрен үстерү, фикерләүне активлаштыру . Уен башында балаларга маршрут битләре таратылды. Әлеге битләр ярдәмендә алар уенның барлык этапларын үтәп, биремнәрне үти алдылар һәм ахыр чиктә алдан яшерелеп куелган хәзинәне таба алдылар. Чараның иң актив катнашучылары истәлекле бүләкләр белән бүләкләнде.
Ямбулат авылы мәдәният хезмәткәрләре Теләче районының яңадан торгызылуына 30 ел уңаеннан 3 нче дәрәҗә Хезмәт Даны ордены иясе Насирова Дания Гыйльметдин кызы белән «Без кырык беренче ел балалары» дигән очрашу оештырдылар.
21 июль көнне Теләче мәдәният һәм ял паркында, җәйге укулар кысаларында, Сергей Алексеевич Баруздинның тууына 95 ел тулу уңаеннан «По страницам книг Баруздина» дип исемләнгән күргәзмә-күзәтү оештырылды. Китапханә хезмәткәрләре башта балаларны язучының тормыш юлы һәм иҗаты белән таныштырды. Аннан соң юбилярның китаплары буенча сәяхәт иттеләр, китап геройларын искә төшерделәр һәм Баруздинның «Страшный клад» хикәясе буенча төзелгән әдәби викторинада катнаштылар.
Тормышта иң кадерле нәрсә - сәламәтлек, аеруча балаларыбызның физик, рухи, психологик һәм социаль яктан да сәламәт булуы турында кечкенәдән үк кайгыртырга кирәк. Шуны истә тотып,21 июль көнне Балыклы авылының спорт мәйданчыгында "Сәламәт булу серләре"дигән чара узып,балалар фельдшер Билалова М. үткәргән викторина сорауларына җавап бирделәр,ахырдан спорт һәм күңелле уеннар уйнатылды.
21 июль көнне Шармыш авылы китапханәчесе шахмат сөючеләрне "Могҗизалы шахмат" уенына чакырды. Китапханәдәге һәр очрашу китаплар белән танышудан башлана. Әлеге очрашу да шашка һәм шахмат буенча әдәбият яңалыклары белән танышудан башланды. Ике көндәш арасында уйнала торган, үзендә сәнгать, фән һәм спорт элементларын сыйдырган логиик уен катнашучылар арасында зур кызыксыну уятты.
21 июль көнне Урта Мишә авыл клубында балалар белән "Утлы шар" исеме астында өстәл теннисы ярышы үткәрелде.