ЯҢАЛЫКЛАР

Субаш авыл клубы һәм китапханә хезмәткәрләре балалар белән Теләче районының 30 еллыгына багышланган "Татарстан һәм туган як белгечләре" дип исемләнгән интеллектуаль-танып-белү викторинасы үткәрделәр. Биремнәр балаларга бик кызыклы һәм катлаулы булды. Сораулар берничә юнәлештән торды: "Татарстан тарихы", "География", "Сәнгать", "Эдәбият" һәм "Милли традицияләр". Барлык катнашучылар да чарада зур активлык күрсәтеп, туган як турында белемнәрен күрсәттеләр.

Туган ягыбызның тарихи-мәдәни урыннары һәм чаралары белән танышу максатыннан Татарстан Республикасында беренче сыйныф укучылары өчен «Мәдәни көндәлек» дип аталган проект эшли башлады. Шушы уңайдан Күкчә авыл китапханәчесе Балыклы авылы мәктәбе 1 нче сыйныф укучыларына мәдәни көндәлек тапшырды.Укучыларда көндәлек зур кызыксыну уятты.

15сентябрьдә Алан мәдәният йорты хезмәткәрләре балаларның укудан соң ялын оештыру ниятеннән Алан урта мәктәбендә укучы балалар  арасында  традицияга кергән  шашка ярышлары уздырды. Әлеге ярышларда катнашып,укучылар  үзләренең интеллектуаль  осталыкларын сынадылар.Ярышлар бик кызыклы барды.  
Балаларга  ярышлар бик ошады. Киләсе ярышларда да катнашу теләге белән укучылар өйләренә таралышты.

Шул уңайдан 17  сентябрьдә  Алан мәдәният йорты хезмәткәрләре “ Экстремизмга -юл юк” дип исемләнгән әңгәмә үткәрделәр. 
Әңгәмә башында яшьләргә “Ә бездә экстремизм, террорчылык күзәтеләме?” дигән сорау бирелде һәм бергәләп  шушы сорауга җавап табарга тырыштылар.
Сүзлектә “экстремизм – ул чиктән тыш карашлар яклы булу” диелә. Бу сүзнең яңгырашы ук куркыныч. Экстремистлар тынычлык сөюче кешеләрне үтерәләр. Алар кешеләрне милләтләре, расалары, диннәре буенча төркемнәргә бүлеп карыйлар. Террорчылар тышкы кыяфәтләре, үз-үзләрен тотышлары белән башкалардан аерылып торалар. Алар теләктәш итеп үз-үзләренә ышанычлары, ихтыяр көчләре булмаган кешеләрне сайлыйлар. Шуңа күрә сез, яшьләргә, аеруча сизгер дә, белемле дә, игътибарлы да,физик яктан көчле дә булырга кирәк”, –диде яшьләргә Алан мәдәният йорты директоры Гүзәлия.
Бездә экстремизмга урын юк. Дуслык-татулык – иң зур байлык”, дигән нәтиҗә ясадылар әңгәмәдә катнашучы яшьләр.

18 сентябрь көнне Теләче стадионында «Татарстан кроссы-2021»массакүләм җиңел атлетика ярышы булып узды.

Йөгереш стартына гомуми белем бирү мәктәпләре укучылары, район предприятиеләре, оешмалары коллективлары, пенсионерлар чыкты. Барлыгы 618 кеше катнашты.

Ярыш нәтиҗәләре буенча:

Мәктәпкәчә тәрбия учреждениеләренең төп бурычы балаларны рухи яктан бай, физик яктан сәламәт итеп үстерү. Алар төрле юллар белән тормышка ашырыла. Ә шулар арасында иң әһәмиятлесе – уеннар.  Ул нәниләргә шатлык китерә,  өлгерлек, җитезлек, кыюлык, тапкырлык кебек матур сыфатлар тәрбияли дөньяны танып белергә өйрәтә. Безнең Шәдке балалар бакчасында да балалар  төрле сюжетлы-ролле уеннарны бик яратып уйныйлар.

Иске Җөри авыл мәдәният йорты хезмәткәрләре һәм авылның мәктәп укучылары гадәттәге вазифаларны вакытка кичектереп, урамга чыктылар һәм тирә-юньне тәртипкә китерделәр.
****

Бакчаларда яшелчә,җиләк-җимеш өлгерә.Шушы нигъмәтләрнең файдасы,аларны саклау турында 16 сентябрь көнне Балыклы авылы мәдәният йортында узган чарада балалар белән фикер алышып,сорауларга җаваплар алынды.Чара күңелле уеннар белән аралашып барды.
*****

Кызганычка каршы, эпидемиологик хәл яхшырмый. Күргәнегезчә, кайбер төбәкләр мисалында халыкның тормышы һәм сәламәтлеге өчен куркынычларны киметү өчен өстәмә чаралар кирәк.

Үз эшчәнлеге турында белешмәләрнең ачыклыгын һәм үтемлелеген арттыру максатларында 2021 елның 20 октябрьдә 14.00 сәгатьтән 16.00 сәгатькә кадәр «Роспотребнадзор» ның Татарстан Республикасы буенча идарәсе республика территориясендә идарәдә һәм 12 территориаль идарәдә эшкуарлар өчен бердәм "Ачык ишекләр" көне оештыра