ЯҢАЛЫКЛАР
Чара барышында балалар юлда, урамда, җәмәгать транспортында үз-үзеңне тоту кагыйдәләре турында күп кызыклы мәгълүмат белделәр. Юл йөрү кагыйдәләре буенча викторина сорауларына, табышмакларга җавап бирделәр, юл билгеләренең әһәмиятен аңладылар. Кызыклы һәм мавыктыргыч үткән мондый чаралар юлларда һәм җәмәгать урыннарында игътибарлы һәм белемле булырга ярдәм итә.
Быел икенче тапкыр үткәрелүче бәйге - 10 июль - Балыкчылар көненә багышлап үткәрелде.
Җиңүчеләрне муниципаль район башлыгы Нәҗип Хаҗипов белән ярышларның иганәчесе “Удача рыбака” кибетләр челтәре җитәкчесе Эдуард Шәйдуллин тәбрикләде. Җиңүчеләргә Дипломнар һәм иганәче тарафыннан әзерләнгән бүләкләр - балыкчы кирәк-яраклары тапшырылды.
Иң зур байлык – иман, чөнки иманны кибеттән сатып алып та, бакчада үстереп тә булмый, аны заводта җитештермиләр, хөкүмәт тә өләшми, мирас булып та килми.
Иман – ул Аллаһтан килгән бүләк. Кемнең иманы бар – ул җиде кат күкләрдән, җиде кат җирләрдән һәм алар арасында булган барча мәхлукләрдән яхшырак. Шуны төшенү өчен Караширмә авыл клубына берләшмәгә йөруче балалар 11 июль көнне Караширмә авылы мәчетенә экскурсиядә булганнар. Авыл хәзрәте Идрис абый балаларга иманлы булу турында вәгазь сөйләп, намаз уку, ураза тотуларның иң зур байлык икәнен төшендергән.
Катнашкан барлык гаиләләргә бик зур рәхмәт, алга таба да исәнлектә, тигезлектә балаларыгызның, оныкларыгызның игелеген күреп сөенеп яшәгез.
Теләче районының яңадан торгызылуына 30 ел тулу уңаеннан, 9 июль көнне Балыклы авылы мәдәният йортында Алан авылы күчмә китапханәсе белән берлектә, "Шигъри тәлгәшләр" дип исемләнгән әдәби кичә үткәрелде. Чарада якташ язучыларның китаплары белән танышып, шигырь һәм әсәрләре кычкырып укылды. Шулай ук балаларга бер-берсе белән аралашып дустанә мөнәсәбәттә булырга өндәп, җәйге ялларын күңелле һәм файдалы итеп үткәрү максатыннан китаплар тәкъдим ителде.
Ул чиркәү бәйрәме - изге Петр һәм Феврония Муромскийлар көненә туры килә. Аларның мәхәббәтләре шулкадәр көчле булган, бөтен кайгыларны да, сынауларны да узган, сынмаган һәм Гомер азагына кадәр сүнмәгән.
Бу көнне Шармыш авылы клуб мөдире балаларга бәйрәмнең тарихы, князь Петр һәм крестьян кызлары Феврониянең Гаҗәеп мәхәббәт тарихы, ни өчен алар изге булдылар һәм ни өчен нәкъ менә 8 июльдә билгеләп үтелүе турында сөйләде.
Балалар гаилә турында табышмаклар һәм кроссворд чишүдә актив катнаштылар. Барлык балаларга буклетлар таратылды.
11 нче июльдә Теләче муниципаль районы җитәкчесе Хаҗипов Нәҗип Нәкыйпович һәм башкарма комитет җитәкчесенең социаль эшләр буенча урынбасары Гыйниятуллин Динар Саитович Теләче урта гомумбелем мәктәбендә оештырылган балаларның җәйге ял һәм сәламәтләндерү лагерендә булып киттеләр . Лагерьдә балаларның ял итү шартлары һәм Туган телләр һәм халыклар бердәмлеге елында , милли тәрбия буенча эшчәнлек белән таныштылар, тәрбиячеләр үткәргән чараларны карадылар. Мәктәп директоры Хафизов Айнур Фирдәвесович кунакларны җәйге ял һәм сәламәтләндерү лагерендә балаларны тукландыру , ял һәм тәрбия бирүнең торышы белән таныштырды.
Тиздән Теләче районының яңадан торгызылуына 30 ел тула. Шул уңайдан Балыклы мәдәният йортында Алан авылы китапханәсе белән берлектә "Шигъри тәлгәшләр" дип исемләнгән әдәби кичә үткәрелде. Чара, җирлегебезнең талантларга бай булуын азсызыклау, патриотик тәрбия бирү, җәйге ялны күңелле һәм файдалы итеп үткәрү өчен китаплар тәкъдим итү һәм балаларны бер-берсе белән аралашып, дустанә мөнәсәбәттә булырга өндәү максатыннан чыгып үткәрелде.
Бу көн уңаеннан Алан авыл китапханәсендә авылыбыздагы күркәм гаиләләр белән таныштыру максатыннан, “Пар балдаклар” дип исемләнгән онлайн-чара үткәрелде. Әлеге бәйрәмгә "Гаилә-гомер юлым" дип исемләнгән китап күргәзмәсе оештырылды, анда гаиләдә балаларны тәрбияләү, гаилә мөнәсәбәтләрен ныгыту, йорт хуҗалыгын алып бару серләре ачыла торган китаплар тәкъдим ителде.
9 июльдә Әбде авылы китапханәчесе Татарстан Республикасында Туган телләр һәм Халыклар бердәмлеге елына багышланган «Тел – халыкның җаны” дип исемләнгән фольклор фестивалендә катнашты. Туган телнең матурлыгы һәм үзенчәлеге аеруча татар, рус һәм удмурт халык ансамльләренең чыгылышларында чагылыш тапты. Арташ мәдәният йортында җылы, тату мөнәсәбәттә узган әлеге бәйрәм чарасы һәркемнең күңеленә хуш килде.