ЯҢАЛЫКЛАР
15 апрель көнне район балалар китапханәсенең «Гөрләвек» клубына йөрүче балалары тарафыннан Теләченең 1 нче номерлы «Аленушка» балалар бакчасында тәрбияләнүче нәни китап сөючеләргә «Туган тел ачкычы» исемле курчак театры күрсәтелде. Укучылар төрле әкият геройларының уй-кичерешләрен матур итеп уйнап күрсәттеләр. Нәниләр әлеге тамашаны бик яратып карады. Шулай ук китапханә хезмәткәрләренең китаплар һәм китапханә турындагы сорауларына да бердәм рәвештә җавап бирделәр. Курчак театры китапларны яратырга өйрәтә, эстетик тәрбия бирүдә зур роль уйный. Ә әлеге очракта туган телгә мәхәббәт тә тәрбияли.
Мондый зур шатлыкны чираттагы тапкыр үзешчән артистлар - балалар китапханәсе җитәкчесе урынбасары Закирова Л. М. җитәкчелегендә мәктәп укучылары Теләченең беренче номерлы балалар бакчасына алып килде. Туган телләр һәм халыклар бердәмлеге елы һәм экология көне уңаеннан алар “ Туган тел ачкычы“ диеп аталган бик матур курчак театры күрсәттеләр. Мәктәп балаларының үз куллары белән ясаган матур курчаклары аша әкият илендә сәяхәт итте нәниләр. Телнең байлыгын, дуслыкның , үзара дустанә мөнәсәбәнең кадерен аңладылар.
Чернобыль һәлакәте 1986 елның 26 апрелендә Совет Берлегендәге (хәзерге Украинадагы) Чернобыль шәһәрендә булган атом электростанциясендә килеп чыккан һәлакәт иде. Дөньяда атом электростанцяләрендә һәлакәтләрдә иң начары исәпләнә. Ул радиоктив калдыклардан торган болытны җитештерә. Шуларны аңлату өчен Олы Мәтәскә авылы мәдәният хезмәткәрләре 14 апрель көнне берләшмәгә йөрүче укучылар белән “Чернобыль һәлакәте” дип исемләнгән әңгәмә үткәрделәр.
15 нче апрель көнне Теләче урта мәктәбе укучылары Халыкара фәнни – танып белү, иҗади һәм интеллектуаль «Тамчы — шоу» конкурсында катнаштылар һәм «Танып белү һәм иҗат” номинациясендә җиңү яуладылар . Халыкара фәнни – танып белү, иҗади һәм интеллектуаль «Тамчы — шоу» конкурсында Теләче һәм Норлат районы укучылары көч сынашты. Безнең мәктәпнең 6 нчы сыйныф укучылары Кадыйрова Камилә, Хафизова Зилә һәм Ибраһимов Делюс сорауларга дөрес җавап бирделәр һәм география , татар теле һәм әдәбияты, тарих фәннәрен яхшы белүләрен күрсәттеләр . Укучыларны уенга татар теле һәм әдәбияты укытучылары Гарипова Р.Г. белән Л.М. Якупова әзерләделәр. Җиңүчеләрне котлыйбыз, алдагы ярышларда да уңышлар телибез!
Олы Тиләҗе авылы клубы хезмәткәрләре "Кошлар - безнең дусларыбыз " дигән темага ачык һавада рәсем конкурсы үткәрде.
Татарстан халыкларының туган телләре һәм бердәмлеге елы планын тормышка ашыру кысаларында Шәдке балалар бакчасында татар халык хәрәкәтчән уеннары көне үткәрелде. Балалар бакчасында хәрәкәтле уеннарга зур игътибар бирелә, чөнки нәкъ менә алар балаларның физик үсешенә ярдәм итә, аларның сәламәтлеген ныгыта. Кечкенәләр белән "Миннебай", "Түбәтәй", зурлар белән "Соры бүре",”Казларыи кайтыгыз”,”Кабыргалы тамчылы” "татар халык уеныннарын уйнадылар. Уеннар ярдәмендә мәктәпкәчә яшьтәге балалар үз теләкләрен башкалар белән килештерергә, иптәшләр алдында җаваплылык тоярга өйрәнделәр. Уртак шатлык, күмәк ярыш балаларны шәхес буларак үстерә һәм камилләштерә.
Әлбәттә, мондый вакыйга игътибарсыз кала алмый. Теләче муниципаль районының 30 еллыгы уңаеннан Айдар авыл китапханәсе мәдәният йорты белән берлектә “Илһам чишмәләре синдә, туган җирем!” дип исемләнгән әдәби марафон уздырдылар. Марафон барышында көн саен якташ язучы-шагыйрьләрнең китапларын укырга һәм әлеге китаплардан иң матур өзекләрне ВКонтактедагы үз битеңә урнаштырырга кирәк иде. Ә башлангыч сыйныф укучылары якташларыбыз әсәрләреннән өзекләрне матур итеп дәфтәр битләренә язып бардылар. Әдәби марафон 1 апрельдән 10 апрельгә кадәр дәвам итте. Бу марафонда катнашып, без матур, кече Ватаныбызны, аның хезмәт сөючән, талантлы халкын телебездәге күпме матур сүзләр белән тасвирланган табигать күренешләрен якташларыбыз иҗатында укып горурлану хисләре кичердек.
14 апрельдә Экологик белемнәр көне кысаларында Шармыш авыл китапханәсе янындагы мәйданчыкта “Почемучки” клубы балалары өчен «В согласии с природой - в согласии с собой» дип исемләнгән экологик сәгать үткәрелде. Китапханәченең әйләнә-тирәдәге табигатьнең матурлыгы һәм аңа сакчыл караш кирәклеге турында кереш сүзләреннән соң балалар "Табигатьне белүчеләр" интерактив уенында катнаштылар. В.Бианкиның "Кемнең йорты яхшырак?", "Кемнең борыны?", Е. Михайленконың "Гөмбә үсте" әсәрләрен укыдылар. Ахырда катнашучылар табышмакларга җавап таптылар.
Шул уңайдан, Теләченең беренче номерлы балалар бакчасында “Без - табигать дуслары” дип исемләнгән экологик чара үтте. Кичәнең төп кунаклары Татарстан Республикасының биологик ресурслар дәүләт комитетының “Ашыт” дәүләт табигать тыюлыгының белгечләре Әхмәтҗанов Р.З. белән Абдрахманова Г.И. һәм Теләче районы мәгариф бүлегенең экология буенча кураторы Нигмәтҗанова Г.З. килгән иде.
12 апрель көнне Ачы авыл китапханәсе "Через тернии - к звездам" дип исемләнгән онлайн презентация оештырылды. Нәкъ 60 ел элек, 1961 елның 12 апрелендә, Советлар Союзы гражданины өлкән лейтенант Юрий Гагарин "Восток" космик корабында дөньяда беренче тапкыр Җир өстеннән орбиталь очыш ясады. Юрий Гагарин исеме дөньяда киң билгеле булды, ә беренче космонавт үзе вакытыннан алда Советлар Союзы Герое һәм майор исемен ала.