ЯҢАЛЫКЛАР
Әлеге бәйрәмнең вакыты очраклы гына билгеләнмәгән: нәкъ шушы чорда җылы яклардан барлык каршылыкларны җиңеп туган якларына канатлы дусларыбыз кайта башлый. Халыкара кошлар көненә Айдар авыл китапханәсендә мәдәният йорты белән берлектә “Кошлар - әкият һәм хикәя геройлары” дигән экологик танып белү уен-викторина үткәрелде.
Көлке көне бик күп илләрдә билгеләнә торган бәйрәм. Без, Олы Мәтәскә авылы мәдәният хезмәткәрләре, бу бәйрәмне укучы балалар белән билгеләп үттек. “Көлүдә бөтен тылсым”дип исемләнгән юмор кичәсе үз эченә төрле кызыклы шигырьләрне, балалар юморларын, әкиятләрне алды. Китапханәче көлке көненең ничек барлыкка килүен дә аңлатып узды. Укучылар да үзләре белән булган көлкеле вакыйгаларын искә төшерделәр. Кичә күңелле үтте.
Халыкара кошлар көнен бәйрәм итү кысаларында «Почемучки» клубы балалары өчен «Яз хәбәрләре» китап күргәзмәсе янында «Һәрвакыт кошлар җырласын» дигән әңгәмә үткәрелде. Күргәзмә яшь укучыларны кошлар дөньясы белән таныштыра. Китапханәче балаларга кайбер кошлар тормышындагы кызыклы мизгелләр турында сөйләде. Балалар «Птицы в литературе» дигән әдәби викторина сорауларына актив җавап бирделәр, кошлар турында мәкальләр һәм әйтемнәрне искә төшерделәр. Моннан тыш, балалар өчен кышлаучы һәм җылы якка китүче кошлар турында альбом әзерләнгән иде. Иң кечкенә укучылар өчен «Птицы – герои сказок» дип исемләнгән күргәзмәдәге китаплар тәкъдим ителде. Биредә балалар В.Бианки, М.Пришвин, Н. Сладков хикәяләре геройлары - кошлар белән очрашты.
Хөрмәтле Беренче сыйныф укучыларының әти-әниләре! Россиядә беренче сыйныф укучыларын мәктәпләргә кабул итү тәртибе үзгәрде. 2021 елдан беркетелгән территориядә яшәүче, шулай ук беренче чиратта кабул итү хокукы булган балаларны беренче сыйныфка кабул итү өчен гаризалар бирү агымдагы елның 1 апреленнән башланачак һәм 30 июнендә төгәлләнәчәк.
Беркетелгән территориядә яшәмәүче балалар өчен кабул итү 6 июльдән, буш урыннар тулганчы, әмма 5 сентябрьдән дә соңга калмыйча башлана.
Гариза ТР Дәүләт хезмәтләре Порталы аша бирелә.
Тәрбия сәгате барышында сыйныф җитәкчеләре укучылар белән презентация карадылар, сәламәтлеккә кагылышлы сорауларга җаваплвр бирделәр. Бүгенге вәзгыятькә туры килгән саклану чараларын барладылар, гигиена таләпләрен искә төшерделәр.
Кошлар - безнең дусларыбыз, ярдәмчеләребез. Кошлар - табигать күрке. Кошлар көне уңаеннан Урта Мишә авыл китапханәсендә укучылар “Кошлар - безнең дусларыбыз” исемле темага рәсемнәр ясадылар. Барлык катнашучыларга да истәлекле бүләкләр тапшырылды.
Теләче урта мәктәбендә 1 апрель - Халыкара кошлар көненә багышланган дәресләр һәм сыйныф сәгатьләре үтте. Балалар кошларны саклау, аларга уңайлы оялар ясау серләренә төшенделәр. Кошларны танырга өйрәнделәр, матур тавышларын истә калдырдылар.
Теләче урта мәктәбендә 1 апрель - Халыкара кошлар көненә багышланган дәресләр һәм сыйныф сәгатьләре үтте. Балалар кошларны саклау, аларга уңайлы оялар ясау серләренә төшенделәр. Кошларны танырга өйрәнделәр, матур тавышларын истә калдырдылар.
Һәр кеше үзе түгел, ә үзенең эчке җайланмалары булган йорт хуҗалыгы – менә нәрсә беренче чиратта халык санын алу вакытында статистикларны кызыксындыра. Гаилә мөнәсәбәтләренең рәсми рәвештә теркәлүе мөһим түгел. Әйтик, исәпкә алучы хатыны һәм сеңелләре белән бергә яши торган ир-аттан сораша башлый. Димәк, «беренче язылган»графасында Галочканы куя. Аңа карата гаилә әгъзаларының калган туганлык дәрәҗәсен билгеләп үтәләр: хатыны , сеңелләре. Беренче булып исәпкә алу кәгазендә гаиләнең теләсә кайсы әгъзасы язылырга мөмкин. Мәсәлән, ире яки хатыны,улы яки кызы, бәлки, бөтенләй туганы түгел. Һәр вариант өчен үз графасы бар, анда Галочканы куярга кирәк.
Җиргә яз килеп җитте, яз килгәнен сизеп җылы яктан сыерчыклар юлга чыктылар. Шул уңайдан Шәдке балалар бакчасында март аенда «Сделай скворечник в помощь птицам» дигән экологик акция узды. Безнең балалар үзләренең әтиләре, абыйлары белән сыерчыкларга матур оя ясап алып килделәр, кошларга бергәләп ярдәм иттек. Акциядә катнашкан барлык әти-әниләргә бик зур рәхмәт.