ЯҢАЛЫКЛАР
Туган телләр һәм халыклар бердәмлеге елы уңаеннан Теләче муниципаль районы Башкарма комитеты мәдәният бүлеге тарафыннан Теләченең үткәне һәм бүгенгесе, гүзәл табигате, талантлы кешеләре турында әсәрләрнең артуына ирешү, туган телне саклау һәм үстерү, әдәби әсәрләр иҗат итүче талантлы авторларны барлау, аларга ярдәм итү, иҗади мөмкинлекләрен үстерүне һәм әдәби әсәрләр иҗат итүгә кызыксыну уяту максатыннан 2020 елның 1 декабреннән 2021 елның 1 февраленә кадәр “Туган телдә дәшсәм генә, туган җирем мине аңлар” дип исемләнгән сәнгатьле сүз бәйгесе игълан ителгән иде.
«У войны не женское лицо…» социаль – гуманитар проекты кысаларында Бөек Ватан сугышында катнашкан батыр хатын-кызларның, тыл хезмәтчәннәренең һәм сугыш чоры балаларының истәлеген саклап калу өчен чаралар үткәрелә. Шул уңайдан Урта Мишә авылы китапханәчесе сугыш чоры баласы Нуриева Миңнур апаның өенә барып, хәлләрен белеште. Очрашу дулкынландыргыч үтте. Ул әнисе һәм әбисе белән ничек яшәгәнлеге һәм сугыш һәм аннан соңгы авыр ачлык еллары турында сөйләде. Бу елларны ачынып искә алды. Әңгәмә ахырында аңа игътибар һәм кайгыртучанлык күрсәткән өчен ихлас күңелдән рәхмәт белдерде. Шулай ук «Йортларга китап нуры» акциясе кысаларында китапханәче яңа вакытлы мәтбугат белән таныштырды.
Баландыш авыл китапханәсендә 23 нче февраль – Ватанны саклаучылар бәйрәме уңаеннан “Сыналганнар, бурыч үтәгәннәр Ир-егетләр булып калалар” дип исемләнгән очрашуга әфганчы егетләр чакырылды. Вакыт узган саен еллар кочагына сыенып калган «әфган» сүзе әле һаман аларның җаннарын тетрәндерә, таш-кыялар арасында башын салган иптәшләре хакындагы авыр хатирәләрне яңарта, интернациональ бурычларын үтәп кайткан ир-егетләребезнең яраларын кузгата. Кунаклар үзләренең балачак еллары, мәктәптә, хәрби хезмәттә булган вакытлары турында сөйләшеп, чәй табыны артында ял иттеләр.
2021 елның 9 мартыннан 20 мартына кадәр ТР буенча Роспотребнадзор идарәсенең Саба, Мамадыш, Кукмара, Теләче районнарында территориаль бүлеге тарафыннан ел саен 15 мартта билгеләп үтелә торган Бөтендөнья кулланучылар хокукларын яклау көне алдыннан Кайнар линия эше оештырылды
2021 елның 2 март көнендә Олы Кибәхуҗа авылында яшәүче тыл ветераны Исмәгыйлова Рәисә Хәбибулла кызына 95 яшь тулды. Шул уңайдан Рәисә апага Россия Президенты Владимир Путинның, Теләче муниципаль район башлыгы Нәҗип Хаҗиповның тәбрикләмәләре тапшырылды. Район башкарма комитеты җитәкчесенең социаль мәсьәләр буенча урынбасары Динар Гыйниятуллин, район социаль яклау бүлеге җитәкчесе Фәридә Галимова һәм Кече Кибәхуҗа авыл җирлеге башлыгы Ирек Загидуллин да Рәисә апага изге теләкләрен җиткереп, истәлекле буләк тапшырдылар.
2021 елның 1-2 мартында Мамадыш шәһәрендә 2004-2005 елларда туган егетләр арасында мини – футбол буенча Татарстан Республикасы Кубогының зона этабы узды, анда 5 команда катнашты. Теләче муниципаль районы мәктәпкәчә белем бирү педагогы Илнар Камил улы Нәҗметдинов җитәкчелегендә Теләче һәм Үзәк урта мәктәпләреннән егетләр катнашты. Уен нәтиҗәләре буенча безнең команда 4 нче урынны яулады.
1 март көнне Олы Мишә урта гомумбелем бирү мәктәбе базасында туган якны өйрәнү, укучыларга патриотик тәрбия бирү максатыннан, "Табигый мирас" район проектлар конкурсы уздырылды. Әлеге конкурста безнең Баландыш төп мәктәбе укучылары да катнашып, призлы урыннарга лаек булдылар:
26 нчы февральдә Теләче урта мәктәбе педагог- оештыручылары Кочергина Зөлфия Бариевна , Закирова Айсинә Рөстәмовна һәм 10 нчы сыйныф җитәкчесе Мөһәмәтшина Рәилә Рәҗәповна “ Кеше тәрбияләргә” Бөтенроссия конкурсының муниципаль этабында катнаштылар һәм уңышлы чыгыш ясадылар. Бу конкурс укытучыларны яңа җиңүләргә рухландыра. Котлыйбыз!
Кызыл байраклы , Жуков һәм Октябрь революциясе орденлы, армия генералы С.М. Штеменко исемендәге Краснодар югары хәрби училищесы 16 - 22 яшьлек егетләрне укырга чакыра .
25 февраль көнне районда Татарстанның Дәүләт Советы рәисе урынбасары, Президент каршындагы Татар телен саклау һәм үстерү мәсьәләләре комиссиясе рәисе Марат Әхмәтов катнашында, татар телен үстерү буенча республика семинар -совещаниесе булып үтте.