ЯҢАЛЫКЛАР
17 октябрь көнне Теләче урта мәктәбендә рус теле фәненнән Тоталь диктант яздылар. Рус теле фәненнән Тоталь диктантны рус теле һәм әдәбияты укытучылары яздырды. Тоталь диктантны 100 артык укучы һәм укытучы язды.
Акциянең төп максаты – халыкны грамоталылыкка өндәү һәм рус телен популярлаштыру. Акциянең девизы: грамоталылы язу модада! Быел диктантның авторы «Национальный бестселлер» дип аталучы әдәби премия лауреаты Андрей Геласимов иде. Ул Константин Циолковскийга багышлаган текстлар әзерләгән иде. Акциядә барлыгы 102 кеше катнашты. Алар арасында мәгариф бүлеге җитәкчесе Карпова Н.В., мәктәп директоры Николаев А.В., укытучылар һәм укучылар да бар иде.
17 октябрь көнне Теләченең «Батыр» спорт комплексында мөселман командалары арасында Теләче муниципаль районы Кубогына мини-футбол буенча районара турнир булып узды. Анда республиканың 10 районыннан командалар катнашты.
Нәтиҗәдә, 1 урынны - Казан шәһәре командасы, 2 урынны –Саба районы, 3 урынны-Түбән Кама һәм 4 урынны Теләче районы яулады.
Теләче урта мәктәбендә хокук сакчылары сыйныфы ачылды. Жукова Р.А. җитәкләгән сыйныф директор Хафизов А.Ф. игълан иткән приказ белән хокук сакчылары сыйныфы дип аталды. 4 сыйныфта бу юнәлештә эш төрләре билгеләнде.
Балалар бакчасында бәйрәм - ул һәрвакыт искиткеч могҗизалар, тылсымлы буяулар, балаларның яңгыравыклы көлүе, елмаюлар һәм әйтеп бетермәслек хисләр ташкыны. Өлкәннәр көзне бик моңсу вакыт дисәләр дә, балалар, киресенчә, көз көне аяк астындагы алтынсу яфракларның кыштырдавына, шыбырдап яңгыр яуганда зонтик астында, резин итепләр киеп, рәхәтләнеп йөрүгә шатланып туя алмый.
14 октябрь көнне китапханәдә, шигърият сәгате үтте. 7 сыйныф укучылары Мөбәрәкшина Чулпан һәм Ситдыйкова Камилә шагыйрьнең яраткан «Тучи», «Осень» шигырьләрен укыдылар. Бу көнне китапханәгә килүчеләр дә үзләренең яраткан шигырьләрен укып, акциядән читтә калмады.
Шәтке авыл китапханәсендә әлеге вакыйгага багышланган "Ул халкына тугры булып яшәде" дип исемләнгән тематик киштә ясалды. Китап укучылар арасында зур популярлык казанган китаплар тәкъдим ителде.
Профилактик чара кысаларында мәктәпкә әзерлек төркеме балалары Россиянең эчке эшләр министрлыгы Теләче районы буенча ЮХИДИ бүлегенең административ законнарны үтәү буенча инспекторы Р.Х. Назиров белән берлектә 1 октябрь көнне "бала + юл = иминлек"рейды үткәрделәр.
15 октябрь Хәтер көне – Казанны яклап шәһит киткәннәрнең якты рухлары алдында баш ию, аларның горур көрәшен, батырлыкларын искә алу көне. Шул уңайдан 13 октябрь көнне Айдар авылы китапханәсендә "Хәтер исән икән - тарих бар" дип исемләнгән хәтер сәгате үткәрелде. 1552 елның 15 октябре - татар халкы өчен иң фаҗигале көн, үз дәүләтчелеген югалту көне булып тора. Электрон презентация ярдәмендә укучылар Казан ханлыгы тарихы, Сөембикә-ханбикәнең идарә иткән еллары белән таныштылар . Әлеге мөһим вакыйгага багышланган "Хәтер- китапларда, йөрәкләрдә мәңгелек" күргәзмәсе оештырылды. Күргәзмә татар халкы тарихы белән кызыксынучы киң даирә укучыларга исәпләнгән.
13 октябрь көнне Теләче җирлекара китапханәсенең уку залында танылган балалар язучысы, шагыйрь, прозаик Җәүдәт Дәрзаманның тормыш юлы һәм иҗатына багышланган “Чын тормышта кайный шагыйрь уе...” исемле китап күргәзмәсе эшләнде. Шулай ук китапханәчеләр иҗаты белән якыннанрак таныштыру максатыннан Орымширмә башлангыч мәктәбендә укучыларга шагыйрьнең китапларын тәкъдим иттеләр.