ЯҢАЛЫКЛАР
19 март көнне Айдар авыл мәдәният йорты директоры югары сыйныф укучылары өчен "Докторларсыз һәм даруларсыз сәламәт бул!"- дип исемләнгән волейбол ярышы уздырды. Егетәр һәм кызлар үзара
ярышып,көчләрен сынадылар һәм тәннәрен ныгыттылар. Аң- зихен белән,төгәллек һәм тизлек белән уйнарга кирәклегенә төшенделәр. Бер -берләренә күтәренке кәеф бүләк иттеләр.
20 март көнне,Үзәк авылы мәдәният йортында, Туган телләр һәм халыклар бердәмлеге елы уңаеннан узучы "Талантлы яшьләр - халкыбыз горурлыгы" дип исемләнгән район фестивале концерты булып узды.
2021 елның 19 март көнендә Максабаш авылында яшәүче тыл ветераны Сәләхиева Галимә Кәримулла кызына 90 яшь тулды. Шул уңайдан Галимә апага Россия Президенты Владимир Путинның, Теләче муниципаль район башлыгы Нәҗип Хаҗиповның тәбрикләмәләре тапшырылды. Район башкарма комитеты җитәкчесенең социаль мәсьәләр буенча урынбасары Динар Гыйниятуллин, «Родник» халыкка комплекслы социаль хезмәт күрсәтү үзәге директоры Нияз Мортазин Галимә апага изге теләкләрен җиткереп, истәлекле буләк тапшырдылар.
Алдагы тормышында да без аңа саулык hәм аяз, тыныч күк йозе теләп калабыз.
Баландыш авылы китапханәсендә 19 нчы март көнне “Кояшкай” балалар бакчасы белән берлектә телне, милләтне үстерүгә багышланган “Әбием сандыгы - үткән тарих” дип исемләнгән чара уздырылды. Балаларны Дәү әни – Әлфинә апа Шайхрамова татар халкының милли киемнәре (күлмәк, алъяпкыч, калфак, читек, түбәтәй), чиккән сөлге, тәсбих, татар халкының милли бизәнү әйберләре; милли ризыклары һәм гореф- гадәтләре белән таныштырды, “Түбәтәйле”, “Миңлебай” уеннары уйналды.
2014 елның 18 мартында безнең ил өчен мөһим тарихи вакыйга булды – Кырымның Россиягә кушылуы, ягъни моңа кадәр Украина составына кергән Кырым ярымутравының Россия Федерациясе составына керүе. Әлеге истәлекле вакыйга уңаеннан Максабаш авыл китапханәсендә мәдәният йорты белән берлектә «Безнең матур Кырым»дип исемләнгән презентация күрсәтелде. Укучылар Кырым ярымутравының килеп чыгу тарихын белделәр, төбәкнең тарихи урыннары һәм күренекле истәлекле урыннары буенча виртуаль сәяхәт кылдылар. Өлкән сыйныф укучылары Севастополь шәһәре, Кара диңгез флоты, суднолар төзү турында күп кенә файдалы мәгълүмат алдылар.
Күкчә авылы мәдәният хезмәткәрләре төрле түгәрәкләргә йөрүче балаларга авылдашыбыз рәссам Рәфкат Кәримуллин иҗаты белән "Тылсымлы пумала" дип исемләнгән әңгәмә үткәрде. Ул баш рәссам Усман Абдулов җитәкчелегендәге Казан телевидение студиясендә эшли башлаган беренче рәссамнарның берсе була. Соңрак Казан кинохроника студиясендә, «Казан утлары» журналында рәссам булып эшләгән.
Балалар игьтибар белән тыңладылар һәм үзләрен кызыксындырган сорауларын бирделәр.
Очрашуда авыл җирлеге башлыгы, район һәм авылның ветераннар советы рәисе, төрле тармак җитәкчеләре катнашты. Өлкәннәребез белән эшләү өчен максат һәм планнар куелды.
Поэзия безне көндәлек, көнкүреш дөньясы өстендә күтәрә, рухи яктан баета. Ул безгә игелеклерәк, тәвәккәлрәк, кыюрак булырга ярдәм итә.19 март көнне Әбде авыл китапханәсендә «Поэзия объединяет поколения» дип исемләнгән китап күргәзмәсе оештырылды. Бу көнне килгән укучыларга яраткан шигырьләрне укырга тәкъдим ителде. «Алтын гасыр» шагыйрьләре А.С. Пушкинның, М. Ю. Лермонтовның, А. А. Фетның шигырьләре яңгырады.
“У войны не женское лицо” проектын тормышка ашыру буенча Субаш авыл китапханәчесе клуб белән берлектә, тыл ветеранында кунакта булды, шуларның берсе Семенова Мария Иван кызы.
Сугыш елларының авырлыгын Мария түтигә үз җилкәсендә тоярга туры килә. Әңгәмә барышында ул ничек итеп балачактан, колхоз кырларында эшләгән еллары турында ачынып сөйләде, фоторәсемнәр карап яшьлек елларын искә төшерде. Мария түти "Хезмәт ветераны" иясе, күп бүләкләргә ия.
Бүгенге көндә Мария түти авылның өлкән яшьтәге кешесе булуга карамастан көр күңелле, җор телле, кунакчыл булып кала бирә.
2021 елның 18-19 март көннәрендә Алексеевскида 2010-2011 елларда туган егетләр арасында мини-футбол буенча Татарстан Республикасы Кубогының финал этабы узды. Финал этабында Чистай, Казан, Алабуга, Алексеевск №1, Алексеевск №2, Теләче командалары катнашты. Безнең районны, Теләче муниципаль районы мәктәпкәчә белем бирү педагогы Рөстәм Габделгазиз улы Хәбиров җитәкчелегендә, Теләче урта мәктәбеннән егетләр тәкъдим итте (команда составы: Абдуллин Самир, Хәбибрахманов Азат, Мөликов Данияр, Бәйрәмов Таһир, Ибраһимов Илназ, Әхмәтвәлиев Адель, Сәлахов Илсаф, Мөхәммәтшин Ралиф, Гыйниятуллин Илдан, Мортазин Камил, Хәбибуллин Тимур). Уеннар әйләнеш системасы буенча узды. Безнең егетләр, Казан һәм Чистай командаларына оттырып, 3 нче урынны яуладылар.