Халык биюләре буенча укыту семинары узды

2021 елның 21 октябре, пәнҗешәмбе

28 сентябрь көнне «Я.Е. Емельянов исемендәге мәдәният үзәге»ндә «Казан дәүләт мәдәният институты» ярдәме белән керәшен фольклор коллективлары җитәкчеләре өчен халык биюләре буенча укыту семинары узды. Әлеге семинар фольклор-этнографик материалга нигезләнгән керәшен халыклары башкару традицияләре өлкәсендә мәдәният хезмәткәрләренең, хореографларның, җитәкчеләрнең, педагогларның һәм балетмейстерларның һөнәри осталыгын һәм белемнәрен күтәрүдән гыйбарәт. Семинарда Субаш авыл клубы мөдире Татьяна Романова һәм китапханәче Лидия Петрова катнашты. Семинар ахырында аларга сертификатлар тапшырылды.