“Әдәби мирасы бай һәм күпкырлы”

2021 елның 16 декабре, пәнҗешәмбе

14 декабрь көнне Казаклар авылы китапханәсендә Кави Нәҗминең тууына 120 ел тулу уңаеннан “Әдәби мирасы бай һәм күпкырлы” дип исемләнгән китап күргәзмәсе эшләнде. Совет чоры татар әдәбиятының күренекле вәкиле — прозаик, шагыйрь, тәнкыйтьче-публицист Кави Нәҗминең әдәби мирасы бай һәм күпкырлы. Публицистика, әдәби тәнкыйть, әдәби тәрҗемә өлкәләрендәге актив эшчәнлегеннән тыш ул драматургия жанрында да каләм тибрәтеп ала, ә нәниләр һәм мәктәп балаларына багышлап ике дистәгә якын китап бастырып чыгара.