Теләче районы социаль хезмәткәрләре тарафыннан өлкәннәргә кар көрәүдә ярдәм

2021 елның 30 декабре, пәнҗешәмбе

Теләче районының «Родник» халыкка комплекслы социаль хезмәт күрсәтү үзәгенең өйдә социаль хезмәт күрсәтү бүлеге социаль хезмәткәрләре бу көннәрдә кар чистарту белән шөгыльләнәләр. Аларның төп максаты- шәхси йортларда көн күрүче өлкәннәргә ишегалларында кар көрәүдә ярдәм итү. Алар үз карамагындагыларның ишегалды территорияләрен, капка төпләрен һәм янкормаларга илтүче сукмакларны бик теләп кардан арындыралар. Ә социаль хезмәтләрдән файдаланучылар, саф һавада йөреп, иммунитетларын ныгыту белән берәттән, эш барышында социаль хезмәткәрләр белән үзләрен кызыксындырган темаларга әңгәмә кордылар. Өлкәннәр мондый кайгыртудан һәм хезмәттән бик канәгать, рәхмәтле булып калдылар.