"Нәни энҗеләр"бәйгесе үткәрелде.
22 март көнне безнең төп мәйданчыкта Теләченең 1нче номерлы балалар бакчасында "Теләче муниципаль районы татар Конгрессы" район иҗтимагый оешмасы һәм мәгариф бүлеге белән берлектә "Нәни энҗеләр"бәйгесе үткәрелде. Конкурсның максаты-үсеп килүче буынның ата-бабаларыбызның тарихи-мәдәни мирасына карата кызыксынуларын арттыру, гаиләгә, гаилә кыйммәтләренә аңлы караш формалаштыру, балаларның иҗади мөмкинлекләрен үстерү һәм милли мәдәниятнең күптөрлелеген ачучы халык гореф-гадәтләре белән якынайту. Безнең Лесной балалар бакчасында тәрбияләнүче Исламова Нәфисә бу конкурста катнашып, "Милли җанлы кыз"номинациясендә җиңүче булды.Конкурс ике этаптан торды: танышу һәм генеалогик агач. Ә икенче өлештә гаилә традицияләре, туганлык элемтәләре турында горурланып сөйләделәр. Һәр катнашучы диплом һәм истәлекле бүләк алды