Нәүруз

2022 елның 28 марты, дүшәмбе

  "2022 ел - Россиядә халык сәнгате һәм матди булмаган мәдәни мирас елы" уңаеннан, 24 март көнне Шәтке  авылы мәдәният хезмәткәрләре "Нәүрүз" бәйрәме үткәрделәр.

   Нәүрүз - язгы бәйрәм. Бу гүзәл бәйрәм көнендә кешеләр бер-берсенә кунакка йөриләр, бер-берсенә булган үпкәләрен оныталар, җырлыйлар, бииләр, рәхәтләнеп күңел ачалар. Чарада “Ак калфак” берләшмәсенә йөрүчеләр  күңелле җырлар җырладылар, биеделәр, халык уеннарын уйнадылар, яз турындагы табышмакларга җаваплар әйтештеләр. Соңыннан бергәләп коймак белән сыйландылар.