Театр көненә китап күргәзмәсе
Бөтендөнья театр көне ел саен-27 мартта билгеләп үтелә. Ул 1961 елда ЮНЕСКО каршындагы Халыкара театр институты инициативасы белән оештырылган. Бәйрәм кысаларында бөтен ил буенча театрга һәм аның белән бәйле бөтен нәрсәгә багышланган йөзләгән төрле чаралар уза. Чөнки театр көне-профессиональ сәнгать эшлеклеләре өчен генә түгел, ә тамашачылар өчен театр сәхнәсе артында утырган гүзәл, яшерен дөнья белән танышу өчен менә дигән мөмкинлек. Айдар авыл мәдәният йорты да театрлар бәйрәменнән читтә калмады. Әдәбият һәм сәнгать бүлегендә «Театр иленә сәяхәт» дип исемләнгән күргәзмә оештырылды, анда Рус һәм чит ил театры тарихы, Казан театрлары турында иң яхшы басмалар тәкъдим ителде. Шулай ук күргәзмәдә "Сәхнә"үзешчән театр коллективы турында альбомнар ,афишалар тәкъдим ителде.