«Тату сыйныф серләре» дигән Республика конкурсының финал өлеше

2022 елның 23 мае, дүшәмбе

14 май  көнне  Лаеш шәһәрендә  ата-аналар комитетларының «Тату сыйныф серләре» дигән Республика конкурсының финал өлеше булып узды. Иң яхшы сыйныф исемен билгеләү өчен республикабызның 25 районыннан 27 команда килде. Конкурс программасы 3 сынаудан гыйбарәт иде: «Безнең күңелле дус сыйныф» визит карточкасы, иҗади проектны яклау һәм «Цифрлаштыру елында ата-аналар» иҗади номеры. Бу чарада Теләче районы данын безнең Олы Мишә урта мәктәбе яклады. Конкурс сынаулары нәтиҗәләре буенча без мактаулы призлы урынга лаек булдык. Мәктәбебез диплом һәм портатив колонка белән бүләкләнде.