«Календарьда тагын бер күркәм бәйрәм барлыкка килде – Россия Федерациясе Президенты Владимир Путин Указы белән октябрьнең өченче якшәмбесе Әтиләр көне дип игълан ителде.

2022 елның 26 октябре, чәршәмбе

Гаиләнең ныклы те­рәге, ышанычы, таянычы, яклаучысы булган әтиләребез әлеге матур бәйрәмгә лаектыр. Шул уңайдан Айдар авыл китапханәсе мәдәният йорты белән берлектә “Гаилә терәге сез, Әтиләр!” дип исемләнгән аралашу сәгате уздырды. Гаиләдә әти кешенең роле, дәрәҗәсе, әти тәрбиясе, ата кайгыртуы  турында җанлы әңгәмә корылды, матур әдәбият әсәрләреннән әти ролен яктырткан өзекләр, шигырьләр укылды.