3 декабрьдә Халыкара инвалидлар көне билгеләп үтелә.

2022 елның 7 декабре, чәршәмбе

Бу көнне Үзәк авыл мәдәният йорты һәм китапханә хезмәткәрләре мөмкинлекләре чикле кешеләрнең проблемаларына игътибарны җәлеп итеп кенә калмыйча, аларның көчле рухлы булулары, максатчанлыгы, уңышка ирешә белүләре турында да сөйләүче чаралар уздырдылар. “Радуга» берләшмәсе әгъзалары мондый кешеләрнең көн саен кечкенә генә әйбергә дә сөенүләренә һәм тормышны яратырга көч тапканнарына инандылар. Укучылар алдан әзерләнгән стендтагы мәгълүмат белән таныштылар. Шул ук көнне мәдәният хезмәткәрләре мөмкинлекләре чикле булган авылдашларның өйләренә барып кайттылар. Аларның хәлләрен белешеп, кечкенә күчтәнәчләрен тапшырдылар.