9 декабрь - Бөтендөнья Халыкара коррупциягә каршы көрәш көне .
Шул уңайдан, Алан авылы китапханәсендә " Тукта, коррупция!»дип исемләнгән мәгълүмат бирү сәгате үткәрелде.. Чараның максаты-укчыларда үз гамәлләре өчен җаваплылыкны үстерү, дәүләт законнарын үтәү кирәклеген аңлау, шулай ук актив тормыш позициясен формалаштыру кебек төшенчәләр булдыру иде. Балалар «коррупция» төшенчәсе белән таныштылар. Икътисад һәм хокук сүзлегендә сүзнең билгеләмәсен табып укыдык. Балаларга аңлаешлы булу өчен танылган балалар әсәрләре буенча өзекләр укырга тәкъдим ителде. «Коррупциягә ЮК дип әйтик" видеоролигы балаларга тормышта барысы да акча белән эшләнмәвен, һәрвакытта да намуслы булып калуның мөһимлеген тагын бер кат төшенергә ярдәм итте. Балалар үзләренең көрәш чараларын тәкъдим итеп, хокук саклау органнарының явызлык бозуларны бетерү эшенең никадәр катлаулы булуын аңладылар. Чарага йомгак ясап, балалар һәрбер эшне иң элек үзеңнән башларга кирәк, дигән фикергә килделәр.