Алан авыл китапханәсендә, Пушкин картасы кысаларында, татар хатын-кызларының милли баш киеме - калфак тегү буенча мастер-класс үткәрелде.

2022 елның 25 декабре, якшәмбе

Калфак — татар халык киемнәренең аерылгысыз өлеше, татар хатын-кызларының матурлыгы һәм күңел чисталыгы символы. Мастер-класста катнашучылар төймә формасында булган калфак тегәргә өйрәнделәр. Китапханәче калфакка әзерләнгән тукыманы сызып кисү һәм тегү серләре белән уртаклашты, әби-бабаларының чигү һәм бизәү ысуллары турында сөйләде. Катнашучылар орнаментларны  өйрәнделәр, тукымага  аппликация ябыштыру техникасын үзләштерделәр, сәйлән белән чигәргә өйрәнделәр. Китапханәдә чара өчен тематик  күргәзмә дә оештырылган иде.