Татар әдәбияты фәне буенча олимпиаданың йомгаклау Республика этабы үтте
13-15 февраль көннәрендә Казан шәһәрендә татар телендә белем алучы укучылар арасында татар әдәбияты фәне буенча олимпиаданың йомгаклау Республика этабы үтте. Биредә Баландыш төп, Иске Җөри, Олы Мәтәскә , Олы Мишә һәм Шәтке урта мәктәпләреннән 9 укучыдан торган команда катнашты. Баландыш төп мәктәбенең 8 сыйныф укучылары Гарипова Динә, Гайнетдинова Назлыгөл, 9 сыйныф укучысы Мөбәрәкшина Чулпан, Олы Мишә урта мәктәбенең 10 сыйныф укучылары Гыйлаҗова Таңчулпан, Гыйләҗиева Зәлинә һәм Иске Җөри урта мәктәбенең 10 сыйныф укучысы Мортазина Гөлфия призер булдылар! Укытучылары: Минһаҗева Люция Марат кызы, Сәхабиева Люция Заһит кызы, Зәйнуллина Рушания Хәким кызы һәм Сәлимова Резеда Гафур кызы. Укучыларны һәм укытучыларны әлеге зур җиңүләре белән котлыйбыз! Алга таба зурдан-зур уңышлар телибез!