Кул эшләре гомер-гомергә затлы иҗат булып санала.

2023 елның 22 феврале, чәршәмбе

Соңгы вакытта кул эшләре белән кызыксыну көннән-көн арта бара, яңадан-яңа төрләре барлыкка килә. 17 февраль көнне Айдар авыл китапханәсендә "Кул эшләрендә күңел җылысы" дип исемләнгән кул эшләре яратучыларның чираттагы очрашуы булып узды. Кайбер кешеләр пешерергә бик яраталар, кемдер чигәргә, тегәргә оста булса, кемдер бәйләүгә өстенлек бирә. Бүгенге очрашуга килүчеләр дә төрле-төрле башмаклар бәйләргә өйрәнделәр, китапханә фондында булган кул эшләре турындагы  китаплар һәм  журналлар турында фикер алыштылар. Күпләр өчен мондый очрашулар -кызыксындырган темага аралашу, фикерләр һәм тәҗрибәләр белән уртаклашу, башкаларны яраткан шөгылеңә өйрәтү мөмкинлеге дә булып тора.