“Әти, әни һәм мин – спорт сөюче гаилә” бәйрәме.

2023 елның 9 марты, пәнҗешәмбе

    3 март көнне Теләче районы Баландыш төп гомуми белем бирү мәктәбендә Татарстанда милли мәдәният һәм традицияләр елына багышланган «Әти, әни, мин – спорт гаиләсе» дигән спорт бәйрәме узды. Әниләр һәм әтиләр бәйрәмдә  йөгерделәр һәм сикерделәр, җиңүләргә бик шатландылар. Балалар ата-аналарының яратуына һәм кайгыртуына, яннарында иң кадердерле кешеләре булуына сөенделәр.    Җиңү теләге  гаилә командасын берләштерә, тагын да ныгыта.. Бу бәйрәм балалар һәм аларның әти-әниләре хәтерендә озак сакланачак.

      Барлык катнашучылар да зур шатлык һәм уңай эмоцияләр алды. Балалар өчен  әти-әниләр янәшәсендә булу-зур бәхет! Барыгызга да гаилә бәхете, сәламәтлек һәм мәхәббәт телибез!