«Гүзәл затларыбыз, сезнең өчен»

2023 елның 9 марты, пәнҗешәмбе

8 март – Халыкара хатын-кызлар көне уңаеннан 5 март көнне Шәтке авылы мәдәният йортында «Гүзәл затларыбыз, сезнең өчен» дип исемләнгән бәйрәм чарасы узды. Чараның программасы бик кызыклы булды: Мөхәммәтхановлар гаиләсе тамашачыларга матур концерт бүләк итте, анда тамашачылар яратып өлгергән номерларын күрсәттеләр, шулай ук лотерея уеннары да булды. Әлеге могҗизалы бәйрәм безнең гаҗәеп хатын-кызларыбызга җылы очрашу булды. Сәхнәдән тормышыбызны җылытучыларга  матур  котлаулар һәм теләкләр яңгырады.