Семинар-киңәшмә узды.

2023 елның 22 марты, чәршәмбе

     21 март көнне Теләченең 2 нче номерлы балалар бакчасында «Балаларны туган телгә өйрәтүдә балалар бакчасы һәм мәктәп дәвамлылыгы» дигән темага семинар-киңәшмә узды.

     Семинарда сүз балалар бакчаларында белем бирүнен сыйфатын, педагогларның һөнәри осталыгын арттыру турында барды. Семинарда Теләченең 2  нче номерлы балалар бакчасы тәрбиячеләре ачык дәресләр, мастер-класс, язгы көн белән төн тигезлеге бәйрәме “Хуш киләсең Нәүрүз!”, театральләштерелгән музыкаль тамаша  күрсәтте. Чарадан соң тема буенча фикер алышулар дәвам итте, алга таба эшчәнлек өчен максатлар билгеләнде.