25 май көнне Теләче балалар китапханәсендә рус шагыйрәсе һәм тәрҗемәчесе Е.А. Благининаның тууына 120 ел тулуга багышланган «Поэзия, как лучик...» дип исемләнгән шигърият сәгате үткәрелде. Чара уен формасында оештырылды: такмазалар, тизәйткечләр әйтелде, үчекләүләр, санамышлар һәм табышмаклар яңгырады. Укучылар язучы иҗаты буенча викторинада һәм яраткан әсәрләрнең кычкырып укуларында актив катнаштылар.