“Шәҗәрә - моя родословная”
Пушкин картасы проекты кысаларында Айдар авыл китапханәсендә Милли мәдәниятләр һәм традицияләр елына багышланган "Минем нәсел шәҗәрәм" дип исемләнгән туган якны өйрәнү квесты үткәрелде. Татар халкында элек-электән ата-баба нәселен, җиде буынны белү изге бурыч булып саналган. Үз ыруыңның кабатланмас тарихын белү, фамилияңнең һәм ата-бабаларның язмышын өйрәнү, шәҗәрәсен төзү гаиләдә буыннар чылбырын өзелмәслек итеп бәйләргә, балалар белән ата-аналар арасындагы мөнәсәбәтләрне ныгытырга ярдәм итә.
Чара барышында китапханәче балаларга тирән мәгънәгә ия булган җиде буын, буыннар бәйләнеше, шәҗәрә төшенчәләре турында сөйләде. Квест программасы үз эченә берничә станцияне алды: гаилә традицияләре, ыруг исемнәре, мәкальләр һәм әйтемнәр. Катнашучылар "Шәҗәрә - безнең тамырлар " күргәзмәсе аша борынгы әйберләр, гаилә фотолары белән дә таныша алдылар.