Шармыш авыл китапханәсендә "Татарстанның мәдәнияте һәм тормышы" исемле күргәзмә оештырылды.

2025 елның 18 декабреннән 20 декабренә кадәр «АЛГА» футбол командасы, (команда составы: Абдуллин Самир, Ибраһимов Илназ, Әхмәтвәлиев Адель, Муликов Данияр, Мөхәммәтшин Ралиф, Хәбибрахманов Азат, Шәрәфиев Азат,Сәлахов Инсаф, Мортазин Камил, Зәкиев Ильмир) өстәмә белем бирү педагогы Хәбиров Рөстәм Габделгазиз улы җитәкчелегендә 2010-2011 елгы яшүсмерләр арасында футзал 2025 буенча Татарстан Республикасы беренчелеге финалында катнашты.

16 декабрь көнне «Пушкин картасы» программасы кысаларында Иске Җөри авылы модель китапханәсендә «Яңа елга чыршы уенчыгы» ясау буенча күңелле һәм файдалы мастер-класс үткәрелде.

Китапханәчеләр җеп сайлау серләрен, ыргакны дөрес тоту һәм элмәкләрне җыю алымнарын җентекләп аңлаттылар, шулай ук төрле ыргаклар белән таныштырдылар һәм иң уңайлысын билгеләделәр. Һәр бала янына игътибар белән килеп, китапханәчеләр төп бәйләү техникасын — элмәкләр һәм баганалар ясау серләрен өйрәтә бардылар. Катнашучылар зур тырышлык һәм кызыксыну күрсәтеп, ыргак белән бәйләүнең төп күнекмәләрен үзләштерделәр. Әлеге мастер-класс балаларның иҗади сәләтләрен үстерүгә, яңа һөнәр белән танышуга һәм үз-үзләренә ышаныч арттыруга зур этәргеч булды.

Зирәк «аптекарь» ролендә китапханәче яшь укучыларга күңелсезлекне, моңсулыкны һәм начар кәефне җиңү өчен уникаль «рецептлар» — кызыклы китаплар, мавыктыргыч викториналар һәм күңелле конкурслар тәкъдим итте. Чара программасы төрле һәм бай эчтәлекле булды: «Акыл өчен витаминнар» — фикерләүне, логиканы үстерүче интеллектуаль уеннар, башваткычлар, шулай ук күңелне күтәрүче, яңа илһам, көч бирүче җанлы һәм кызыклы тарихлар уку өлеше дә бар иде. Йомгаклау мизгелендә «Алтын формуляр» исеме астында укучыларның активлыгы бәяләнде, анда иң актив һәм тырыш катнашучыларга бүләкләр тапшырылды. Бу аларның китапка булган мәхәббәтләрен хөрмәтләү генә түгел, ә киләчәктә дә яңа әдәби ачышлар ясау һәм иҗади үсеш юлында көчле илһам чыганагы булып хезмәт итәчәк.