Аңлатабыз: Татарстан Республикасы Рәисенең 2025 елның 29 августындагы 695 номерлы «Россия Федерациясе Президентының 2022 елның 19 октябрендәге 757 номерлы Указын Татарстан Республикасы территориясендә гамәлгә ашыру максатларында аерым мәгълүматны бастырып чыгаруны, таратуны тыю турында» (алга таба - Татарстан Республикасы Рәисе Указы) Указының 1 пункты нигезендә һәм массакүләм мәгълүмат чараларында, мәгълүмати-телекоммуникация челтәрләрендә, шул исәптән «Интернет» челтәрендә, социаль челтәрләрдә, шунда ук хәбәрләр белән алмашу сервисларында түбәндәге мәгълүматны, фото- һәм видеоматериалларны бастыру, тарату тыела: а) Татарстан Республикасы территориясендә пилотсыз һава судноларын (пилотсыз (һава) очу аппаратларын) куллану һәм куллану нәтиҗәләре турында, шул исәптән аларның төрен, җибәрү урынын, урнашу урынын, төшү урынын, очу траекториясен идентификацияләргә мөмкинлек бирүче мәгълүмат, аларның һөҗүм иткән урыннарын (объектларын) билгеләү, объектларга зыян китерү факты һәм алар китергән зыянның характеры турында; б) Татарстан Республикасы территориясендә урнашкан пилотсыз һава судноларына (пилотсыз (һава) очу аппаратларына) каршы көрәш чараларының (системаларының), шул исәптән һава һөҗүменә каршы оборона һәм радиоэлектрон көрәш чараларының кулланылышы һәм кулланылыш нәтиҗәләре турында; в) Татарстан Республикасы территориясендә урнашкан корылмалар, пилотсыз һава судноларына (пилотсыз (һава) очу аппаратларына) каршы тору чаралары (системалары), шул исәптән һава һөҗүменә каршы оборона һәм радиоэлектрон көрәш урыннары турында; г) Татарстан Республикасы Рәисенең Указының 1 пунктының «в» пунктчасында күрсәтелгән урыннарны ачуга ярдәм итүче. Шул ук вакытта Татарстан Республикасы Рәисенең Указының 2 пунктына ярашлы рәвештә, югарыда күрсәтелгән тыюлар Татарстан Республикасы Рәисенең Указының 1 пунктында күрсәтелгән мәгълүматны федераль башкарма хакимият органнары, аларның Татарстан Республикасы территориясендә эшчәнлек алып баручы территориаль органнары, Татарстан Республикасы дәүләт хакимияте органнары һәм Татарстан Республикасы муниципаль берәмлекләренең җирле үзидарә органнары тарафыннан массакүләм мәгълүмат чараларында, мәгълүмати-телекоммуникация челтәрләрендә, шул исәптән «Интернет» челтәрендә, социаль челтәрләрдә, хәбәрләр алмашу сервисларында (алга таба - рәсми чыганаклар) бастыру, тарату очракларына кагылмый, шулай ук  рәсми чыганакларга сылтама белән таратуга.

Коррупциягә каршы дөньяга караш формалаштыру максатыннан Әбде авылы китапханәсендә мәктәп белән берлектә коррупциягә каршы эшчәнлек атналыгы оештырылды. 9 декабрь — Халыкара коррупциягә каршы көрәш көненә багышлап, тематик күргәзмә әзерләнде һәм аңа күзәтү үткәрелде. Мәгълүмат сәгате кысаларында, социаль видеоролик карау белән үрелеп барган очрашуда укучылар коррупциянең килеп чыгу сәбәпләре һәм аның ил икътисадына җимергеч йогынтысы турында тирән фикер алыштылар. «Гадел яшәргә кирәк!» акциясе кысаларында балалар чыршыны якты шарга чын күңелдән язылган теләкләр белән бизәделәр. Бу чара яшь буынның чиста һәм намуслы тормышка омтылышын чагылдырып, җәмгыятьтә әхлакый кыйммәтләрне ныгытуга зур өлеш кертте.

1-10 декабрь көннәрендә инвалидлар декадасы уза. Шул уңайдан Югары Кибәхуҗа авылы китапханәсендә «Аларның тормышы безгә үрнәк» дип исемләнгән китап күргәзмәсе куелды, укучылар белән җылы әңгәмәләр үткәрелде. Күргәзмәдә мөмкинлекләре чикле булуга карамастан, зур талантка ия булган шәхесләр — татар язучылары Фәнис Яруллин һәм Гакыйль Сәгыйровларның тормыш юлы һәм иҗатлары белән якыннан танышырга мөмкинлек бирелде. Аларның рухи көчләре һәм иҗади үрнәкләре һәркемгә илһам чыганагы булып тора.

Шул уңайдан Югары Кибәхуҗа авылы китапханәсендә «Батырлыгың синең мәңгелек!» дип исемләнгән патриотик сәгать үткәрелде. Әлеге чараның төп максаты — укучыларны Билгесез солдат көне тарихы белән таныштыру, патриотик тәрбия бирү, туган якка мәхәббәт һәм туган илебез тарихына тирән хөрмәт уяту иде. Чарада билгеләп үтелгәнчә, Билгесез солдат көне — ул Бөек Ватан сугышында һәлак булганнарны искә алу һәм хөрмәтләү генә түгел, ә сугышларда һәм хәрби конфликтларда һәлак булган, хәбәрсез югалган барлык каһарманнарны берләштерү көне дә. Шулай ук китапханәдә бу темага багышланган китап күргәзмәсе куелып, укучыларга тәкъдим ителде, аларга тарихи хәтерне саклауның әһәмияте турында тагын да тирәнрәк аңлау мөмкинлеге бирелде.