Ноябрьнең соңгы якшәмбесендә Шәтке авыл китапханәсендә әниләр көнен билгеләп үтү инде яхшы традициягә әверелде.

2024нче елның 30 ноябрендә Шәтке урта мәктәбе спортзалында «Теләче» спорт мәктәбе 2011нче елгы һәм аннан да яшьрәк егетләр арасында көрәш буенча Шәтке Кубогына район беренчелеге уздырды. Әлеге ярышта 72 спортсмен катнашты.

Баландыш төп мәктәбендә эшләп килүче “Салават күпере” инглиз теле түгәрәге әгъзалары ясле-бакча балаларына кунакка керделәр. Алар инглиз телендә шигырьләр сөйләделәр, “Теремкәй” әкиятен сәхнәләштерделәр. Кечкенәләр бик кызыксынып тамаша кылдылар. (Җитәкчеләре Заббарова Г.Н)

Әбде авыл китапханәсендә Пушкин картасы буенча «әдәби лабиринт» дигән китап квесты үткәрелде. Балаларны интеллектуаль сынаулар көтте. Лабиринт буенча сәяхәт барышында балалар төрле биремнәр башкардылар һәм викторина сорауларына җавап бирделәр. «Анаграмма» конкурсында балаларга китапны ничек атауларын аңлатырга кирәк иде. “Әсәрләр жанрлары" конкурсында әсәрләр жанрын атарга кирәк иде. «Путаница» конкурсында әсәрнең авторын, исемен һәм героен бергә кушарга кирәк иде. "Детектив" конкурсында балаларга детектив ролендә булырга һәм тасвирлама буенча әдәби геройны һәм әсәрне билгеләргә тәкъдим иттеләр. «Югалган әйберләр» конкурсында әлеге предметларны һәм башкаларны нинди әсәрләрдән искә төшерергә кирәк иде. Балалар барлык биремнәрне үтәделәр һәм лабиринтны уңышлы үттеләр. Ә бу эштә аларга китапларны белү ярдәм итте. Китап ул-белем чыганагы!