“Лыжня – малышня” ярышы
Олы Нырсы урта мәктәбендә 1-4 нче сыйныф укучылары, балалар бакчасында тәрбияләнүчеләр арасында чаңгы ярышлары узды. “Лыжня – малышня” ярышы РФ Хәрби Көчләренең реактив артиллерия дивизионы командирына, МХО барышында һәлак булган подполковник Дмитрий Павлович Дормидонтовка, шулай ук герой - якташларга, Украинада МХОда катнашучыларга, хәрби бурычларын үтәгәндә һәлак булганнарга, Ватанны саклаучы барлык якташлар истәлегенә багышланган. Чарада район хакимияте, мәгариф бүлеге вәкилләре, МХОда һәлак булганнарның туганнары, әфган ветераннары катнашты. Шулай ук, МХОда хәрби бурычларын үтәгәндә һәлак булган Хәйретдинов Илсур Вәзир улына һәм Гарифуллин Раил Габделгазиз улына Бөек Җиңүнең 80 еллыгына багышланган "Геройлар парталары" дип исемләнгән күргәзмәләр оештырылды. Аяк сынганда, аңны югалтканда (йөрәк - үпкә реанимациясе) беренче медицина ярдәме күрсәтү буенча мастер - класс күрсәтелде. Болар барысы да концерт номерлары белән үрелеп барды.