Югары Кибәхуҗа авылы китапханәсендә «Пушкин картасы» проекты кысаларында «Татар халкының йолалары һәм гореф - гадәтләре» дип исемләнгән тематик сәгать үткәрелде.

2025 елның 17 марты, дүшәмбе

Китапханәче балаларны татар халкының мәдәнияте, милли киемнәре, орнамент үзенчәлекләре, көнкүреше, бәйрәмнәре белән таныштырды. Чара барышында татар халкының милли киемнәре: камзул, калфак, түбәтәй сүзләренең мәгънәсе аңлатылды. Балалар үзләре дә кайбер йолаларда катнаша алдылар, алар теге яки бу йола вакытында нинди көнкүреш әйберләре, кирәк-яраклар кулланылуын белделәр, татарларның чигүләре, милли киемнәре, дини культ әйберләре белән таныштылар. «Әбием сандыгы»ндагы бай мираслы киемнәр, сөлгеләр, чигүләр  белән үзара фикер уртаклаштылар.