Физик культура, спорт һәм китап безнең тормышта мөһим роль уйный
Спорт ярышларын карарга гына түгел, алар турында укырга да яратучы укучылар өчен Әбде авылы китапханәсендә «Китап, спорт, китапханә — минем уңышымның сере ул!» дип исемләнгән китап күргәзмәсе тәкъдим ителде. Спортта характер чыныга, ә китап укыганда фикерләү үсә һәм дөньяга караш киңәя – нәкъ менә шундый кешеләр уңышка ирешә, дөрес тормыш карашлары һәм сәламәтлекләре белән аерылып тора. Шул уңайдан, 7 апрель көнне китапханәче укытучы белән физкультура дәресләре, организмны чыныктыру турында әңгәмә үткәрделәр һәм озак еллар яшь, көчле, матур һәм акыллы булып калу турында файдалы киңәшләр бирделәр. Балалар викторина сорауларына, табышмакларга җавап бирделәр, үз фикерләрен әйттеләр һәм китапханәнең спорт турындагы китаплары белән таныштылар, шулай ук спорт чараларында катнаштылар.