Әлеге вакыйга яңа космик эра башлануга старт булды. Шул уңайдан, 9 апрель көнне Шармыш авылы китапханәчесе яшь укучылар белән «Китапханә космодромы»ннан галәм киңлекләре буйлап виртуаль космик сәяхәткә чыкты. Йолдыз юлы буенча балалар «Җир», «Галәм», «Планета», «Кояш» космик станцияләрендә тукталыш ясадылар, табышмакларга, космик викторина сорауларына җавап бирделәр, «Ачык космоста», «Авырлыксызлык» конкурсларында катнаштылар. Шулай ук әлеге чарага «Космик орбиталар юллары» күргәзмәсе әзерләнгән иде.