Космос - ул ниндидер серле һәм гаҗәеп нәрсә.
Элек-электән йолдызлар кешеләрне үзенә җәлеп иткән. Бик күп тикшеренүчеләр үз гомерләрен чиксез, караңгы тирәнлекләрне өйрәнүгә багышладылар. 22 апрель көнне Әбде авылы китапханәсендә «Пушкин картасы» проекты кысаларында «Йолдызларга таба» дип исемләнгән чара үткәрелде. Балалар космик корабль экипажы составында сәяхәткә чыктылар. Экипажның әзерлеген тикшерү программасы берничә станциядән торды: «Космоста беренчеләр», «Йолдызлы атлас», «Кояш системасы планеталары», «Космолингвистика», «Космик рәссамнар». Һәр станция аларның очыш вакытында кирәк булды. Космик викторина сораулары өчен «Йолдыз юлы» китап күргәзмәсе оештырылды.