2025 елда «Хәтер бакчасы» Халыкара акциясе 18 марттан 22 июньгә кадәр үткәрелә.
Акция Бөек Җиңүнең 80 еллыгына багышланган, әлеге акция барышында бөтен Россия буенча активистлар агач үсентеләре утырталар. Алар Бөек Ватан сугышы елларында һәлак булган 27 миллион солдатның батырлыгын искә төшерәчәк. Һәр яңа үсенте киләчәккә бер адым, тыныч күк йөзе өчен рәхмәт йөзеннән үстерелә. 22 апрель көнне Айдар авылы җирлеге дә «Хәтер бакчасы» патриотик акциясенә кушылды. Айдар авылы китапханәчесе, мәдәният йорты, ФАП хезмәткәрләре, авыл халкы, сугыш чоры балалары, «Кызыл Йолдыз» урман хуҗалыгы хезмәткәрләре белән берлектә авылның ял паркы территориясенә 80 төп агач утыртылды. Әлеге чара - яшелләндерүгә үз өлешеңне кертү генә түгел, Ватаныбыз өчен көрәшкән каһарманнарны искә алу өчен мөмкинлек.