26 апрель көнне халкыбыз бөек татар шагыйре Габдулла Тукайның туган көнен билгеләп үтә.

2025 елның 3 мае, шимбә

Татар әдәбияты тарихына Тукай милли шигърияткә нигез салган һәм аның классик стилен тудырган бөек шагыйрь буларак кереп кала.                                                   25 апрель көнне Урта Мишә авылы китапханәсендә клуб белән берлектә Габдулла Тукайның туган көненә багышланган әдәби сәгать үткәрелде. «Күңелләрдә яши Тукай моңы» дип исемләнгән китап күргәзмәсе оештырылды. Чара барышында балалар шагыйрьнең биографиясе һәм әсәрләре белән таныштылар. Китапханәче Габдулла Тукайның һәркемгә – олыларга да, балаларга да бертигез кадерле шагыйрь булуын сөйләде. Аның китаплары туган якның матурлыгын бәяләргә өйрәтә, мәрхәмәтле, гадел һәм кыю булырга өнди. Чара ахырында шагыйрьнең шигырьләре укылды.