«Еллар аша Җиңү авазы яңгырый»

2025 елның 3 мае, шимбә

29 апрель көнне Теләче җирлекара китапханәсе хезмәткәрләре Орымширмә мәктәбе укучылары өчен «Еллар аша Җиңү авазы яңгырый» дип исемләнгән патриотик сәгать үткәрделәр. Әлеге чара балаларда Ватан өчен горурлык хисләре уятты. Алар халкыбызның Бөек Ватан сугышындагы батырлыгы турында белделәр, викторина сорауларына җавап бирделәр һәм «Георгий тасмасы» ясау серләренә төшенделәр.                                           Китапханәчеләр укучыларны «Сугыш турында китаплар сөйли» дигән китап күргәзмәсе белән таныштырдылар. Анда Бөек Ватан сугышы темасына язылган әсәрләр тәкъдим ителде. Балалар өйләрендә уку өчен китаплар алып киттеләр. Бу китаплар Җиңүнең нинди зур югалтулар аша килүен күрсәтә, тормышны, кешелекне һәм гаделлекне кадерләргә өйрәтә.