26 апрельдә яраткан татар шагыйре Габдулла Тукайның туган көне билгеләп үтелә.
Аның китаплары балаларны туган якның матурлыгын күрергә, яхшылыкка өйрәтә, гадел булырга өнди. Татар халкының бөек шагыйре нибары 27 ел гына яшәгән. Җиде елдан аз гына артыграк иҗат итү дәверендә ул йөзләрчә шигырь, 9 поэма, дистәләгән публицистик мәкалә иҗат иткән. Субаш авылы мәдәният хезмәткәрләре укучылар белән язучының 139 еллыгына багышланган «Тукай белән атлыйм киләчәккә, ул яктырта барыр юлымны» дип исемләнгән әдәби сәгать үткәрделәр. Китапханәдә «Сүнми торган йолдыз» исемле китап күргәзмәсе оештырылды. Чарада укучылар бөек шагыйрьнең биографиясе һәм әсәрләре, авыр балачагы, тормышы, иҗаты турында таныштылар, Габдулла Тукайның шигырьләре укылды. Балалар шулай ук, «Су анасы», «Печән базары», «Яхуд Яна Кисекбаш», «Шүрәле» әкият – поэмалары белән таныштылар.