Туган тел көнен билгеләп үтә.
26 апрель - бөек татар шагыйре Габдулла Тукайның туган көне, әлеге көнне татар халкы туган тел көнен билгеләп үтә. Башка бәйрәмнәр кебек үк, бу көн дә һәрберебезнең күңелендә аерым урын алып тора. 25 апрель көнне Шәтке мәктәбендә Туган тел бәйрәме үткәрелде. Бәйрәмгә якташыбыз Нурулла Гаптуллин чакырылган иде. Чара барышында укучылар җырлар җырладылар, шигырьләр сөйләделәр, өзекләр куйдылар. Шулай ук, якташыбыз Тукай турында күп истәлекләр сөйләде, шигырьләрен укыды. Шәтке авылы китапханәчесе дә бәйрәмдә катнашты, теләкләрен җиткерде, район конкурсында катнашучыларга рәхмәт хатлары тапшырды. Бу чыннан да мөһим бәйрәм, ул безгә телебезне һәм мәдәниятебезне сакларга ярдәм итә. Бу көнне билгеләп үтәргә генә түгел, көндәлек тормышта туган телне үстерергә һәм кадерен белергә кирәк.