Быел ул Ватанны саклаучылар елына һәм Бөек Җиңүнең 80 еллыгына багышланган. Быелгы тема – «Үз геройларыбыз», ә акция үзе тарихи хәтерне саклау өчен мөһим мәйданчык булып торды, һәр катнашучыга илебез геройларын хөрмәтләүгә үз өлешен кертергә мөмкинлек бирде. Кукчә авылы китапханәсендә клуб белән берлектә тематик әңгәмә үткәрелде. Катнашучылар фотографияләр белән уртаклаштылар, үткәндәге һәм хәзерге геройлар турында сөйләделәр. Шулай ук, китапханә мәйданчыгында махсус китап күргәзмәләре, почмаклар оештырылды. Чарада катнашучылар фронтта, тылда җиңү яулаган туганнарының гаилә тарихларын сөйләделәр.