«Хәтер бакчасы»
Бөек Җиңүнең 80 еллыгына багышланган ел саен үткәрелә торган «Хәтер бакчасы» Бөтенроссия акциясе 18 мартта старт алды. Аның төп максаты - сугыш елларында һәлак булган, канкойгыч һәм рәхимсез сугышта җиңү өчен үз гомерләрен биргән һәр кеше истәлегенә 27 миллион агач утырту. 22 апрельдә Сауш авылы мәдәният хезмәткәрләре, авыл активистлары белән берлектә «Хәтер бакчасы» акциясенә кушылдылар. Хезмәт ветераннары Нурия Зәйнетдинова һәм Наил Гыймадиев катнашында алмагач, миләш һәм чия агачлары утыртылды. Ахырда рәхмәт сүзләре җиткерелде һәм табигатьне, тарихи мирасны саклауда яхшы нәтиҗәләргә ирешеп, геройларны истә тотарга һәм хөрмәт итәргә кирәк дигән нәтиҗә ясалды.