Айдар авылы китапханәсе «Библиотөн – 2025» Бөтенроссия акциясенә кушылды.
Айдар авылы китапханәсе «Библиотөн – 2025» Бөтенроссия акциясенә кушылды. Быел ул «Үз геройлары» дигән гомуми тема астында Ватанны саклаучылар елына һәм Бөек Җиңүнең 80 еллыгына багышланды. Акциянең девизы: «Россиядә үз героен хәтерләмәгән гаилә юк». Ил тарихына, хәтта бөтен җир тарихына кергән вакыйгалар, даталар, кешеләрнең исемнәре бар. Алар турында китаплар язалар, риваятьләр сөйлиләр, җырлар иҗат итәләр. Иң мөһиме - алар турында хәтерлиләр. Шундый вакыйгаларның берсе халкыбызның фашист Германиясенә каршы Бөек Ватан сугышы. «Үлемсез китапханә полкы» чарасы кысаларында һәр катнашучы Бөек Ватан сугышында катнашкан якыннары турында сөйләде. Чараны дәвам итеп, «Җиңү юллары» исеме белән сугыш турында шигырьләр, өзекләр кычкырып укылды. Махсус хәрби операциядә катнашучылар хакына «Сезнең белән горурланабыз һәм Җиңү белән кайтуыгызны көтәбез!» дип исемләнгән күргәзмә дә тәкъдим ителде.